【Juicy叮】米袋驚見數百隻穀牛網民求救：仲食唔食得？

港聞

更新時間：18:17 2020-12-13 HKT
發佈時間：15:41 2020-12-13 HKT

穀牛。網圖

香港天氣潮濕，加上疫情初期不少市民都搶購大量糧食大米放在家中，一有存放不當就容易生蟲。有市民就驚見家中一包米變成黑色，不少網民即刻提醒是生穀牛，建議不要食用。

有市民在「將軍澳主場」Facebook上載相片，只見一包米有數百粒「黑米」夾雜其中，「啲米擺得耐，今日一開，好多黑色一粒粒，請問仲食唔食得？唔該。」

大批網民大驚失色，即刻提醒是生穀牛，「開都唔會打開，即掉啦！萬一成屋都係穀牛點搞」、「不要食，生晒穀牛，會有好多蟲卵」、「穀牛與牠們的產地」，亦有人教路「放蒜頭落去，洗米佢會浮出嚟咁就逐粒逐粒(拎)走佢，之後煲完就食得㗎啦」、「唔好再用膠袋啦，買咗返嚟倒落啲密實盒度，承載嘅容器及米杯唔可以濕」。

根據食環署資料顯示，穀牛是儲藏穀物的主要害蟲之一，主要蛀食穀粒。在家中，穀牛通常蛀食大米、豆類、葵花子和玉米，偶爾也在存放過久的通心粉和意大利粉等麵食中出現。雖然穀牛對人畜、家具和衣物無害，既不會叮咬和螫傷人，又不會傳播疾病，但卻蛀食穀物，毀壞糧食。受穀牛污染的糧食，價值或會大幅降低。