克勤盲測素肉小籠包考黨友

港聞

更新時間：08:14 2020-11-05 HKT
發佈時間：07:42 2020-11-05 HKT

潮流愈來愈多人食素，向來支持環保的民建聯立法會議員陳克勤，特別準備兩款小籠包，請黨友試食親口實測，睇下他們分唔分得出哪一款是素肉餡？哪一款是用真豬肉。在克勤上載社交網站的短片所見，多名黨友都食得津津有味，大部分心中有數，只係講笑話擔心個包未熟。大家食完揀答案，近乎一面倒，只有黃定光「象哥」同鄭泳舜獨排眾議，最後梗係大多數的成為贏家。

克勤話，Ann姐蔣麗芸最醒，識得從個包的顏色分辨，主席李慧琼最茅，得佢撩開個小籠包睇下肉色，至於象哥知道自己估錯，就話「即係我黐咗綫」，但無論對錯，人人都獲克勤送上克勤滿滿正能量充電綫做禮物。

克勤又話，他第一次試食時唔講都真係分唔出，黨友都話整體分別不大，依家潮流興環保，多人食素，如果想食肉，為了地球、為了環保可以選擇素肉，當然要留意成分，有些可能會加入人工添加劑、人工色素，他就會選擇純天然的植物肉，希望大家嘗試吃素肉，食得健康，少肉多菜，一齊救地球。

維港會