【Kelly Online】酒店客滿拒延長入住要求野蠻港男爆粗：有本事掉晒我啲野

港聞

更新時間：16:33 2019-05-24 HKT
發佈時間：14:27 2019-05-24 HKT

入住酒店的住客一般要在退房時間前離開。

入住酒店的住客一般要在退房時間前離開，但有酒店經理分享，有港男住客過了退房時間兩小時，才要求入住多晚，但因為酒店當晚客滿，無法提供房間，於是拒絕。港男不滿並爆粗大罵，又說「我而家就出街！你有本事就掉X晒我啲嘢」。經理唯有將港男房間上鎖，對方返回時才與保安一同上房處理，但期間港男繼續滿口粗言，連保安也忍不住勸告：「尊重下人哋，你事實係無訂房我哋都唔係唔畀你住」。港男終收拾行李與房間內的女士離開。經理斷言：「寫衰佢嘅profile後，我永遠都唔會再見到呢個人喺酒店出現」。

有在酒店任職經理的女網民在facebook專頁「西客之道 Hispitality Secret」投稿，指有一次酒店「full（客滿）到崩潰嘅地步」，已經要嘗試安排預訂兩間普通房客人轉入住一間套房。但當日就有一名港男住客「過咗check out 時間超過兩個鐘先嚟話要extend住多晚」。職員以客滿要求拒絕後，港男則表示投訴並用粗口罵職員。

該經理見狀遂上前再向港男解釋，「酒店昨晚已經知道今日滿房，所以無辦法再接收新嘅預訂，如果你唔退房，本身訂咗嘅客人會無房住，希望你明白」。但港男仍不滿，反問「係咪住得耐就要迫我走！」他拒再聽經理解釋，稱現在會出街，「你有本事就掉X晒我啲嘢！」經理再禮貌地回應：「我希望你尊重返我同你自己，唔好再講粗口，如果唔係我會將呢件事交畀警方處理，因為我哋已經畀咗offer你4點前check out，係足夠時間畀你搵第二間酒店」。惟港男照樣離開。

樓主帖文。

經理為保障客人、酒店和員工利益，於是將港男入住房門上鎖，待對方回來時，才與保安陪同他去收拾行李。結果當港男得知房間鎖上後，「即刻發咗癲咁講晒所有粗口」，又斥「而家當我係賊？我嚟消費我有畀錢你做咩搵保安嚟！」港男繼續惡罵，連保安都忍不住插嘴，「先生，你尊重下人哋，人哋打工都有阿媽生，你事實係無訂房，我哋都唔係唔畀你住，但真係無辦法先要你走。」
港男最後收拾行李，與房內沒有入住登記的女士離開。經理直言會將該港男列入黑名單，並謂「除咗想分享香港人無理取鬧，同以為講粗口可以得到自己想要嘅野呢種劣等行為之外，我亦好感恩自己真係做到堅持企硬呢樣野。」

帖文隨即掀起熱議，不少網民都大讚女經理做得好，「呢個經理咪有腰骨有膊頭囉！」、「多啲經理企硬，咁啲細嘅都好做啲」、「有多啲企硬嘅管理層，就唔會有咁多西客啦！」。另有網民表示，「而家好多鍾意強人所難嘅人，佢係明知做唔到，但佢理得你取消人哋booking又好，點都好。佢就係要達到目的」。有同行亦留言表示，「畀晒同行知就啱啦，blacklist佢」。