【Kelly Online】港女搭輕鐵企多用途空間唔讓位發帖公審bb車阻碇

港聞

更新時間：15:34 2019-05-15 HKT
發佈時間：12:31 2019-05-15 HKT

該名網民在Facebook專頁「生仔要考牌系列」投稿。網圖

輕鐵車廂設有多用途空間，以方便使用輪椅、攜帶嬰兒手推車及行李的乘客。有網民近日就在社交網站投稿，大呻自己站立在多用途空間時，有對父母推著空的嬰兒車站立在她旁邊，導致過分擠迫，結果未獲網民同情，反被轟霸佔嬰兒車空間。

該名網民在Facebook專頁「生仔要考牌系列」投稿，指自己乘搭輕鐵時站在多用途空間，期間有對父母推著空的bb的嬰兒車，「入嚟直剷去我個方向」，由於旁邊仍有空間，於是樓主未有讓位。怎料該對父母對著她「眼超超」，無奈下攝入中間位置。
樓主又說：「我個位逼到不得了，相反另外一邊嗰個人有個好寬落嘅位，even嗰個人走咗，佢都無意欲去拉開少少」最終樓主受不住擠迫，自行離開。

不過樓主未獲網民支持，不少人留言斥責她無腦及自私，「本來個位就係畀人擺車，你企咗人個位，有人要用又唔自動彈開，冇剷你算好客氣啦下嘩！」、「人哋唔開聲話你你都執到啦！仲上網話人！」、「醒目嘅，就唔企入去啦，自己攞架嚟丟」、「唔好妹仔大過主人婆」、「你考牌再搭鐵啦！bb車位都要同人父母爭！」，不過亦有人認為該對父母上車應該要收起嬰兒車，「如果佢只係放件雜物，咁佢就要摺起架所謂BB車，以佔用較少空間」。