Kelly Online：男子疑羊癇症病發同車乘客：諗返起都仲想嘔

港聞

更新時間：10:27 2018-07-13 HKT
發佈時間：10:27 2018-07-13 HKT

男子疑羊癇症病發。網上圖片

不時有長期病患的病人在乘搭公共交通時病發，其他乘客一般都會伸出援手。一名疑似有羊癇症的乘客昨早於將軍澳乘298E巴士，期間懷疑羊癇症病發，車廂內其他乘客都協助救援，其中一名乘客於網上分享當時獎狀況，指「你把我嚇得不淺，諗返起都仲想嘔」，引起網民討論。

該名網民於Facebook群組「將軍澳」發文，指昨早乘298E巴士時，有乘客疑似羊癇症病發，更指該病發乘客令他感到嘔心，「你把我嚇得不淺，諗返起都仲想嘔，冇乜人幫得前後四位三男一女肯伸出援手，但靠我地五個根本做唔到好多嘢，最終我就返咗屋企換過件衫順便掉埋，但呢種感覺真的很嘔心。」該乘客指出，病發乘客是飲完咖啡後出事，「如果你係住響將軍澳，請你務必去睇睇醫生。」

發文一出隨即引起網民討論，不少網民都認為發文的乘客無品，「你知唔知羊癲唔係個個知道自己有無個病，發一次有幾辛苦！你話人唔睇醫生時，先問問醫生幾多人係會突然發作」、「到底你想唔想幫？幫完人又呻，人地都唔想架」。