內圈捕影│「舉步生風」展現朝氣
更新時間：17:11 2025-08-29 HKT
發佈時間：17:11 2025-08-29 HKT
發佈時間：17:11 2025-08-29 HKT
字體大小
今朝出跳馬較少，亦因此到內圈踱步之較多，當中不乏勇馬出現。
「當家精神」助手踱一圈，外觀好睇唔在講，老馬仲要有番啖火，早前試閘表現出色，狀態大有轉機。「舉步生風」助手踱一圈，神采奕奕展現朝氣，馬身實淨展現線條，火力同樣唔差，操足而臨勇況已備。
「錶之星河」副練踱一圈，氣定神閒唔急唔搶，比起上季多添一份成熟感，出腳爽朗有力，身色亦吸引。「美麗歡聲」助手踱一圈，神色無之前咁淡，出腳俐落力度唔差，試閘過後有起色，有八九分水準。
「飛躍精英」助手踱一圈，馬身已好靚，身型健碩周身肌肉，毛色悅目立立令，神態軒昂正值勇境。「年年友福」助手踱一圈，晨課一向有少少懶，論態起得唔錯，大馬夠輕身毛色潤澤，步順力度充裕。
包裝戰將台型極佳
「包裝戰將」神情專注試得好，一切準備就緒。
「傑出漢子」助手踱一圈，火氣不弱頗墜手，馬身壯健展現線條，力度課比課好，予人極佳好感。「包裝戰將」助手踱一圈，台型極佳身型收靚，愈見聽話唔急唔搶，神情專注試得好，一切準備就緒。
「奮鬥心」助手踱一圈，馬仔細細身夠札實，步履輕盈又有彈力，神態對辦朝氣勃勃，近況相當不俗。「快樂高球」助手踱一圈，精神奕奕頗是神氣，馬身脹卜卜，仲要毛色充滿光澤，單講狀態極之企理。
謝鋒
