沙田早晨│韋達坐車跟實一駒
更新時間：16:04 2025-05-05 HKT
發佈時間：16:04 2025-05-05 HKT
發佈時間：16:04 2025-05-05 HKT
字體大小
要數今季最失色馬房，韋達必榜上有名，兵力達到六十匹，可是僅得十八場進帳。去到煞科尚有兩個多月，會否奮力追數不得而知，不過「祥勝力駒」今朝由得力助手出跳，當時韋達走去行政大樓斜路睇實，跟手坐高爾夫球車跟實此馬返去奧運馬房，肉緊程度攞滿分。
「祥勝力駒」(圖) 今朝由得力助手出跳，韋達坐高爾夫球車跟實此馬返去奧運馬房，肉緊程度攞滿分。(資料圖片)
「快樂奇兵」賀賢唔肯坐
另一邊廂的賀賢好不了多少，今季只贏二十一W，比起上兩季同樣贏四十四場，戰績大幅度下跌。今次出馬三匹數目雖少，不過「快樂奇兵」和「管之友」均近況出色，尤其前駒今朝出跳極具睇頭，賀賢一貫留守烽火台二樓督操，當時不止睇到眼都唔眨，仲企埋身睇馬。
賀賢今次出馬三匹數目雖少，不過「快樂奇兵」(圖) 和「管之友」均近況出色。
