街市買$45花埋單變貴1倍！「舖市專家」李根興出po呻中伏網民批小家：人地阿婆唔洗交租？

更新時間：10:00 2025-05-05 HKT
發佈時間：10:00 2025-05-05 HKT

母親節將至，不少人都會選擇送花向媽媽表達心意。不過花並不是人人都識買，知名商人「舖市專家」李根興近日就因為買花而「中伏」。他在沙田街市購買花束時，因為一個小細節，令埋單的金額比想像貴一倍，他忍不住發文大呻：「咁樣做生意唔啱，我以後唔會再幫襯你！」引起網民熱烈討論。

李根興沙田街市買繡球花花價$45埋單要畀$88

李根興近日的買花經歷引起網民討論。

李根興是盛滙商舖基金創辦人，因擁有豐富的商舖投資經驗而被譽為「舖市專家」。他平日熱衷於在社交平台分享創業及投資心得，吸引大批粉絲。然而，這一次的「購花經歷」卻讓他意外成為網民討論的焦點。

李根興近日在個人專頁分享，他於沙田街市購買了一束原價$80、後被檔主減價至$45的花束。當檔主詢問是否需要包裝紙時，李根興表示「任佢揀張靚的顏色就可以」，但未詢問是否有額外費用。最後結算時，他被收取了總價$88，包裝紙的費用高達$43，直逼花價。

當李根興得知包裝紙的價格後大為震驚。檔主向他解釋，該包裝紙是有防水功能的「特別物料」，不過李根興並不受落，他向檔主表示「你咁樣做生意唔啱，我以後唔會再幫襯你」，隨後離去。他事後將此經歷分享給家人，並以幽默的角度自嘲：「從正面看，43蚊令這紮花更具紀念價值！」

網民唔撐批「小氣」：佢比你更識賺錢

李根興的分享迅速吸引網民關注，留言區出現不少批評聲音。有網民指出，他作為商人應理解成本與附加價值的概念：「人地話紥花賣$45之嘛…包花張紙唔使成本既？」、「送畀你好冇？你要賺，人地阿婆唔洗食飯交租？」也有網民認為他「主觀直覺」，未事先了解清楚價格，才導致誤會。此外，有人更直言，「咪即係你做緊嘅嘢咁啫，間鋪值40蚊租，你整色整水變100蚊租，再話平畀你變88蚊租。」更有網民出口揶揄：「Sorry 李生...... 咁我又覺得你有啲小家，繡球花收$88都好合理姐」、「佢比你更識賺錢」。

然而，亦有網民支持李根興的立場，認為商家應事先告知附加收費：「包裝費佔比不對應，理應事先講聲。」有支持者將此事視為「原則問題」，認為任何交易都應公開透明，避免誤導消費者。

圖片來源：李根興創業之友 Edwin's Entrepreneur-Friends @Facebook