50年代童星老戲骨慘被無視？被新晉演員助手當眾鬧坐錯位 高EQ化解：無謂令自己尷尬
發佈時間：09:00 2025-05-04 HKT
現年77歲、童星出身的電視台小生石修，在50年代跟隨任職編劇、製片兼副導演的爸爸陳直康入行，於《駙馬艷史》的演出奠定童星，在三年內拍攝了四十齣影片，直到中學畢業後，石修正式加入娛樂圈，至今接近70年時間。
石修近年弄孫為樂
近年石修弄孫為樂，以自由身接拍劇，但因保養得宜，未有因年齡而影響工作。雖然石修在演藝界已經屬前輩級人馬，不過早前拍電影在化妝間，竟被一個新晉演員的助手當眾叫他起身，石修當刻未動氣：「我當佢唔知，反正佢哋都係話唔聽。」
相關閱讀：76歲石修自爆聽力受損只剩六成！因常做一件事出問題要戴助聽器
石修曾被後輩當眾叫起身：
石修遇過hea爆對手
石修日前接受好友楊紹鴻的YouTube節目「小鴻吹水站」的訪問，石修在圈中曾與不少藝人合作，他說：「可能我一埋位就好易同對手入戲，變咗好冇乜點去選擇，當然我都遇過啲唔在意嘅對手，個心會覺得成件事好似畀人拖慢咗，佢哋埋位仲拎住劇本背對白，搞到好似唔同步。不過我唔可以話人哋啱定錯，只可以做好自己本份，盡量提醒喇，如果佢唔進步都冇計。」石修續說：「Hea住嗰啲係新嘅多啲，佢哋嘅諗法目標，對工作上嘅專心係有分別。」
石修曾經在化妝間有一個不快經歷
言談間楊紹鴻提到石修曾經在化妝間有一個不快經歷，石修說：「嗰次係拍一套電影，你知道化妝間係冇分位坐，化妝一邊，梳頭又另一邊，但係啲位冇話一定係邊個，有一次我坐低等化妝，有一個新演員，佢嘅助手走埋嚟話：『修哥，唔該你起身，呢個位係邊個㗎』，我當刻冇動氣，亦都冇話佢，佢唔知規舉就算數喇，趗身坐返去隔離就算數。」石修再說：「嗰個演員好新，我當佢同助手唔知，我唔需要動氣，事實上佢哋有自己嘅主見，未必話得聽，我無謂令自己尷尬，唔好畀啲無關重要嘅嘢影響工作情緒。」
相關閱讀 : 76歲石修自爆聽力受損只剩六成因常做一件事出問題要戴助聽器
石修新抱林佑蔚晒超邪惡泳衣相？
石修聽覺受損不影響工作
石修一向熱愛音樂，經常在影視作品或籌款節目中表演，但他近日接受傳媒訪問時透露，於兩年前去登台演出時，意外發現自己聽不清楚聲音，經醫生判斷發現其聽力只剩六成。石修指之所以聽覺受損，與他經常用耳機聽音樂，與及經常打鼓、吹色士風有關。幸好現時經過治療後，加上助聽器幫助下，石修的聽力已有所改善，工作上也未受太大影響，但為免情況惡化，石修已放棄再打鼓，吹色士風時則戴上耳塞。石修一向很注重身體，除本身不煙不酒外，他年輕時已喜愛運動，現時仍每天至少運動如急步行、舉啞鈴及做掌上壓，加上80年代時經常演武俠片，都為健康打好基礎。在飲食方面也奉行「三低」少油、少鹽及少糖，食得清淡。
