遇見小麵上市首日插水｜莫灝楠
更新時間：12:04 2025-12-09 HKT
發佈時間：12:04 2025-12-09 HKT
發佈時間：12:04 2025-12-09 HKT
字體大小
遇見小麵（2408）上市第一日就爆炸就無咩好講，其實都係財技操作。反正而家IPO回撥咁少，咩都係貨源歸邊。夠籌炒得起就跟，無錢推就收工割韭菜。
睇啲新聞話大家發現佢原來係預製菜，爐頭都無個，全部都係急凍膠袋裝住，翻熱就食得。因為咁所以大家覺得伏，跟住就隊爆隻股票。IPO價$7.04，收市得翻$5.08。
心諗，預製菜就預左，其實而家好多野都係預製菜。茶餐廳個沙爹牛肉面唔通唔係預製咩？咪又係味精湯+乾面？最多搭塊炸豬排比你。
老實講，預製唔係問題，你覺得味道可以接受，衛生食唔死人嘅咪食囉。唔中意嘅都可以唔食，無人逼你。人地賣緊廿零三十蚊碗，仲免費加面，唔通比龍肉你食咩？
最後，其實以上呢堆野同隻股票係無任何關係咖。間公司賺錢唔賺錢，都無咖。阿哥，呢隻新股黎咖，新股講基本面講估值？第一日出黎炒野？
獨立股評人
莫灝楠
