大班麵包西餅結業｜市民感「心悒」 大嘆「捱到中秋有機會捱得過」
發佈時間：12:11 2025-06-24 HKT
【大班麵包西餅/分店/結業】在港經營近40年的老字號大班麵包西餅早前因分店及廠房欠租，連月遭多個業主入稟追租，今日（24日）多間分店門外貼出告示，宣布公司即日起停業。《星島頭條》記者今早前往大圍及沙田分店了解，兩間分店均「落閘」。有街坊指現時市道差，「做唔到生意就要閂門啦，做生意有賺有蝕」；亦有市民對大班結業感到「心悒」，指如「捱到中秋時有機會捱得過」。
根據大班西餅部分分店門外告示，解釋公司「近期受到很多難以預計且不可抗拒的衝擊」，逼於無奈停止營業。
街坊：做唔到生意就要閂門
附近街坊何先生表示，對大班結業未感驚訝，笑稱「都幾十歲人，見過晒啦！」，平時間中會在大班買麵包，或者中秋會購買冰皮月餅。被問及會否懷念大班西餅，他稱「唔會呀！咁多餅店，差唔多啫」。
他續指現時市道差，「做唔到生意就要閂門啦，一喺你轉型啫，做生意有賺有蝕」。他續指，香港有連鎖快餐店有所改變，「以前啲焗豬扒飯變差好多，而家又好食返啲，要成日檢測下啲嘢先得呀嘛」。
市民李小姐表示剛剛在地鐵上看到大班結業的新聞，所以順路前來看看，惟指「無諗過臨近中秋節會倒閉」。她表示自己每周都會購買大班的方包作為早餐，因女兒喜歡，稱「買一磅方包可以當兩日早餐」。她續指，附近有數間平價麵包舖，因此會轉其他店舖購買麵包。
近年「越做越差」員工失業好唏噓
陳先生表示，行經數間大班都發現未有開門，獲悉全線結業感到驚訝，「以為只係佢未開門」。他續指曾在大班購買餅卡，惟不擔心，因購買數量不多。陳小姐表示對大班結業感到「心悒，指如大班「捱到中秋時有機會捱得過」，她續指大班近年「越做越差」，形容大班倒閉會導致員工失業，「佢哋無嘢做，好唏噓㗎！」
何仁清：臨近中秋最慘係啲師傅
中西飲食業職工會主席何仁清指出，昨日（23日）3間位於港鐵的大班西餅員工，前往勞工處追討欠薪，該3舖昨日已即時停業，今日凌晨有人前往各舖貼上停業告示，相信各分店會陸續「執笠」。他指現時臨近中秋，「最慘係啲（麵點）師傅而家做緊月餅，唔會等到9月先做月餅，但又無錢出糧」。
