黃大仙驚現極長人龍？32°C等個半鐘入場排足4次隊拎券攞位只為1物......

更新時間：19:13 2025-06-22 HKT
發佈時間：19:13 2025-06-22 HKT

昨日（21日）是夏至，氣溫高達32℃，不過烈日當空下，黃大仙龍翔道卻出現驚人的排隊長龍，從地鐵站一路延伸至附近街道，引發熱烈討論。排隊人潮全為參加食品店「樓上」舉辦的嘉年華，雖然活動大派美食、獎品豐富，但有不少參與者均對活動安排表示不滿，更湧至官方專頁控訴：「排成個鐘，龍頭都未見」！

黃大仙「樓上」大搞嘉年華數百人排足4次隊為試食

連鎖海味及食品店「樓上」為慶祝開業27周年，一連兩日在黃大仙主店舉辦「生日嘉年華」。活動邀請了演員梁祖堯、張兆輝以及YouTuber馬田作為嘉賓，並設攤位遊戲、禮品派發及免費試吃美食，吸引大批市民到場。

據現場參與者描述，整個活動前後要排足4次隊。第1次是從門外地下排隊上樓入場，第2次排隊攞遊戲券，第3次排隊拿試吃食品，最後還要排隊玩各種攤位遊戲。試吃食品種類豐富，包括牛扒、鮑魚麵、蠔仔粥、涼茶、椰子雞湯、菠蘿腸、魷魚絲、果乾、曲奇等等，幸運中獎更可以嘆燕窩楊枝甘露。雖然活動採用預約制，但現場仍因人流過多而出現混亂，令不少人感到不滿。

排1.5小時才入場參加者湧官網留言控訴：登記咗都排餐死

大批網民湧到官方專頁留言批評活動安排失當，「安排好差...... 大會完全無預先考慮個活動可承受的人流」、「排了1.5小時才能入場」、「登記咗都排餐死」、「去到排隊見到超過300人冇玩到就走咗啦」、「三十幾度又曬又熱，入到去又唔知有乜睇，又唔知可以留幾耐」、「曬到傻」。

活動吸引不少老人家參加，對排隊安排更為無奈，「無陰公，三十幾度要老人家排隊」、「我都帶咗老人家，排左15分鐘，佢話好辛苦，我地立即不排」。更有市民反映，烈日下無陰涼處供排隊者休息，導致有參加者疑似中暑或因人群擁擠而跌倒，「有人係樓下跌到唔知係暈倒定人多得滯跌，反正見到有個人係地下」。對於網民質疑，「樓上」官方則回應稱：「十分抱歉，我們工作人員已努力安排，對排隊時間過長深感抱歉，會吸取經驗，努力在下次活動中做得更好。」