渣馬｜曾曉彤十公里三連霸 直言每次奪冠感覺都不同
更新時間：08:00 2026-01-18 HKT
發佈時間：08:00 2026-01-18 HKT
發佈時間：08:00 2026-01-18 HKT
字體大小
渣打馬拉松2026的女子10公里挑戰賽，由本地選手曾曉彤以35分35秒奪冠，連續3年封后。曾曉彤直言，每次奪冠的感覺都不一樣，今次希望能夠再突破自己的最好成績。
目標破個人最佳成績
曾曉彤今次完成十公里的三連霸，她直言每次的感覺都不同，說：「每一年我感覺都唔同嘅，第一年就好夢幻啦，上年就會好想試下再攞一次第一啦，今年其實係想貼近自己個PB（Personal Best，個人最佳成績）。」
相關新聞：渣馬｜港隊三鐵代表黃子圖男子十公里奪冠 滿意今日跑出的時間及第三度奪冠
曾曉彤十公里三連霸
曾曉彤十公里三連霸
她補充說，知道自己在沉澱期，目標必然想破PB，但也主要想貼近去年的成績，說：「今年，其實都知道係自己嘅沉澱期嘅，所以目標當然都想PB嘅，但係都想貼近上一年嘅成績，今年都做到嘅，雖然天氣係比上一年凍，跑落去嘅感覺其實都辛苦過上年，同埋今年要獨跑，但時間上自己都尚算滿意嘅。」
冀入選亞運代表團
對於姚潔貞因傷退賽，她也表示希望能夠與她同場競技，希望她能夠康復後再一齊跑。她又提到希望能夠入選亞運代表團，但仍然平常心面對，先做好每場比賽。
相關新聞：渣打馬拉松2026．持續更新︱市民「捕獲」周潤發現身10公里賽 半馬男、女子冠軍：香港賽道多斜坡具挑戰性
