港隊晉身男子4X100混合泳決賽，陳鎡樵:決賽攞出1000%，劉平治:獎牌加持唔駛驚。電視截圖

全運會｜港隊晉身男子4X100混合泳決賽陳鎡樵:決賽攞出1000% 劉平治:獎牌加持唔駛驚

更新時間：12:03 2025-11-17 HKT
發佈時間：12:03 2025-11-17 HKT

港隊派出陳鎡樵、麥世霆、古逸豪、劉平治出戰男子4X100米混合泳預賽，於第2組游出3分43秒38第5名觸池，因首兩名的浙江和寧夏賽後被取消資格，港隊得小組第3名，總排名第6晉級決賽。港隊成員賽後都表示已搏盡，好開心入到決賽，陳鎡樵揚言今晚決賽出盡1000%去拚，劉平治笑指有獎牌加持(麥世霆男子200蛙銅牌)唔駛驚。

港隊晉身男子4X100米混合泳決賽。電視截圖

全力拚入決賽很開心

港隊游第1的陳鎡樵，對於成功入決賽感到驚喜：「本身預計都係想衝入決賽，入到決賽都好驚喜，我地都盡咗全力。」古逸豪和應說：「表現還可以，都OK。心態好鬆，放鬆開心去游，盡量去入決賽。」劉平治亦說：「都係盡力，游到就游，游唔到都無辦法，不過我地盡力游到都開心。」昨天於男子200米蛙泳奪得銅牌的麥世霆則指好攰：「好攰，都最尾果日。食咗兩塊飽，都無乜用，好攰游得麻麻地。」

DQ無影響

古逸豪又透露出賽名單於昨晚才決定：「名單都係昨晚決定，臨時決定睇吓邊個狀態最fit，教練就咁砌。放晒信心在教練身上，好好地砌個最快接力出來，感謝佢地。」至於今晚決賽的策略，古逸豪說與預賽一樣：「因為若果入唔到決定今場係最後一場，一陣會用一樣既狀態、一模一樣既想法去游。」對於分組賽有2隊被取消資格，古逸豪指沒有影響：「兩隊比人DQ，有無DQ都應該入決賽，人地唔好彩無得講，我地都試過。今晚(決賽)都有信心。」