商台DJ阿正被《東周刊》獨家爆進駐加多利山親回被指年賺500萬變富婆：多兩個0先好講

更新時間：17:30 2026-08-18 HKT
發佈時間：17:30 2026-08-18 HKT

最新一期《東周刊》獨家直擊年賺500萬的商台DJ黃正宜（阿正）月租7萬，搬到傳統富豪區加多利山，與天王劉德華、天后陳慧琳等巨星成為星級鄰居。對於被指「廣播道富婆」，阿正回覆《星島頭條》時表示有看報道，亦承認租住加多利山：「真心的，多兩個0先好講，而家我覺得我有少少尷尬，首先個租一定冇咁貴，其次就係都唔係大家講得咁誇張嘅，都係俾心機做嘢，但我好surprise呢個年代竟然都仲有人會影到我返屋企，同埋有少少失望嘅係，兩次都係都係得我自己一個返屋企，形單隻影嘅感覺好強烈。」

阿正被指年賺500萬否認出門大排場

阿正被問到是否很想快點可以找到Mr.Right？阿正直言想，也感激大家好落力幫她報道及關心，希望下次可以有「實體嘢」讓大家再關心多點。對於報道指她年賺500萬，阿正表示不清楚自己的收入，因為糧單是由經理人處理，但現時過得開心已很感恩，因為知道有工作並非必然，提到出門時有兩名助手傍實，非常有排場，她就解釋一個是她的經理人，另一個則是化妝師，指這是正常去工作的團隊，沒有兩人自己就不能去開工，故並非有好多助手。

阿正投資過百萬開咖啡店望有九龍分店

講到她投資過百萬在西營盤開咖啡店做老闆娘，阿正表示第一次開舖才知道原來投資要那麼大，但慶幸現在已過了三年多，生意仍然OK，舖頭仍在，問到是否有打算在九龍區開分店？她說：「想呀，你哋都話我住嗰頭呀嘛，梗係方便啲自己去，費事過海，過海好貴，同埋因為本身我都喺商台返工，就梗係想喺九龍開，我都想快啲，但好難揾舖，因為而家好多地方，例如九龍城咁都重建緊，變咗冇舖位，咁我都租唔到，不過睇啱我一定開。」