鄭秀文張敬軒拉闊音樂會｜11月1日亞洲博覽館舉行二人首度合作以「Most Wanted」為主題

更新時間：17:54 2025-08-27 HKT
發佈時間：17:54 2025-08-27 HKT

鄭秀文（Sammi）、張敬軒將合作舉行由叱咤903主辦的《拉闊音樂會 Most Wanted 鄭秀文 x 張敬軒》。鄭秀文、張敬軒首度合作的拉闊音樂會將於今年（2025年）11月1日在亞洲國際博覽館 ARENA舉行。本文將為大家不斷更新鄭秀文及張敬軒拉闊音樂會的購票詳情等資訊。

鄭秀文張敬軒拉闊音樂會11月1日舉行

適逢商業電台踏入六十六週年台慶，2025年壓軸拉闊音樂會邀得樂壇兩位重量級歌手 —— 鄭秀文及張敬軒，聯手打造由叱咤 903 主辦《b.balance 呈獻拉闊音樂會 Most Wanted 鄭秀文 x 張敬軒》。這個全城「Most Wanted」的夢幻組合，將舉行一夜限定的「時空約會」，穿越不同時空，以音樂對話，激發全城矚目、前所未有的拉闊火花。

鄭秀文張敬軒以牛仔造型拍宣傳照

為配合今次拉闊音樂會的主題「Most Wanted」，鄭秀文與張敬軒特別以美國西部牛仔造型拍攝宣傳照，拍攝當日二人默契十足，一拍即合。鄭秀文對上一次做拉闊已經是 2001 年，鄭秀文未演出先興奮：「二十四年後再次踏上拉闊舞台，我已經好興奮，預演緊一啲想唱嘅歌，或者想出現嘅畫面。拉闊喺製作、形式同喺紅館或者其他地方開嘅演唱會嘅感覺好唔同，尤其喺舞台上面嘅表達，絕對好唔一樣，所以我係非常期待。」

鄭秀文與張敬軒特別以美國西部牛仔造型拍攝宣傳照

鄭秀文張敬軒首度合作音樂會

今次是二人首度合作的音樂會，鄭秀文分享自己「Most Wanted」的拉闊畫面：「我哋都係喺生命裡面有經歷嘅人，同時擁有多面向嘅特質，好明白對方，而且軒仔畀到我好多新鮮感，我相信同佢一齊做拉闊嘅感覺會好唔一樣，演出會更有深度。成個 show 唔只得我，亦唔係只有軒仔，呢個係『我們』嘅 show，所以我好期待呢個二人成為一體嘅 show，希望到時呈現到一加一大於二呢個效果出嚟。」

張敬軒直言有中獎感覺

對於今次與 Sammi 同台演出拉闊，張敬軒直言有中獎感覺：「Sammi 係一個 Super Star，有機會同一位 Legendary Artist 合作，好似中獎咁，真係成就解鎖。Sammi 嘅前瞻性係我嘅 Role Model，呢場拉闊音樂會絕對係 Once in a Lifetime。我以前每一晚都有追《大頭綠衣鬥殭屍》，我通常都係頒獎禮或大 Show 先見到 Sammi，離遠望，唔夠膽同佢講嘢。第一次真真正正同 Sammi 講嘢係做佢演唱會嘉賓，嗰時好開心、好激動。宜家我都仲有呢種緊張，因為佢喺我哋眼中永遠都係 Diva。」

張敬軒亦分享自己「Most Wanted」的拉闊畫面：「成件事太好玩，我已經諗緊最想同 Sammi 唱咩歌，或者最想喺佢面前唱到咩歌，同埋最想同佢喺台上做咩表演，其中一樣就係想同 Sammi 跳舞。」