郑秀文张敬轩拉阔音乐会｜11月1日亚洲博览馆举行二人首度合作以「Most Wanted」为主题

更新时间：17:54 2025-08-27 HKT
发布时间：17:54 2025-08-27 HKT

郑秀文（Sammi）、张敬轩将合作举行由叱咤903主办的《拉阔音乐会 Most Wanted 郑秀文 x 张敬轩》。郑秀文、张敬轩首度合作的拉阔音乐会将于今年（2025年）11月1日在亚洲国际博览馆 ARENA举行。本文将为大家不断更新郑秀文及张敬轩拉阔音乐会的购票详情等资讯。

郑秀文张敬轩拉阔音乐会11月1日举行

适逢商业电台踏入六十六周年台庆，2025年压轴拉阔音乐会邀得乐坛两位重量级歌手 —— 郑秀文及张敬轩，联手打造由叱咤 903 主办《b.balance 呈献拉阔音乐会 Most Wanted 郑秀文 x 张敬轩》。这个全城「Most Wanted」的梦幻组合，将举行一夜限定的「时空约会」，穿越不同时空，以音乐对话，激发全城瞩目、前所未有的拉阔火花。

郑秀文张敬轩以牛仔造型拍宣传照

为配合今次拉阔音乐会的主题「Most Wanted」，郑秀文与张敬轩特别以美国西部牛仔造型拍摄宣传照，拍摄当日二人默契十足，一拍即合。郑秀文对上一次做拉阔已经是 2001 年，郑秀文未演出先兴奋：「二十四年后再次踏上拉阔舞台，我已经好兴奋，预演紧一啲想唱嘅歌，或者想出现嘅画面。拉阔喺制作、形式同喺红馆或者其他地方开嘅演唱会嘅感觉好唔同，尤其喺舞台上面嘅表达，绝对好唔一样，所以我系非常期待。」

郑秀文与张敬轩特别以美国西部牛仔造型拍摄宣传照

郑秀文张敬轩首度合作音乐会

今次是二人首度合作的音乐会，郑秀文分享自己「Most Wanted」的拉阔画面：「我哋都系喺生命里面有经历嘅人，同时拥有多面向嘅特质，好明白对方，而且轩仔畀到我好多新鲜感，我相信同佢一齐做拉阔嘅感觉会好唔一样，演出会更有深度。成个 show 唔只得我，亦唔系只有轩仔，呢个系『我们』嘅 show，所以我好期待呢个二人成为一体嘅 show，希望到时呈现到一加一大于二呢个效果出嚟。」

张敬轩直言有中奖感觉

对于今次与 Sammi 同台演出拉阔，张敬轩直言有中奖感觉：「Sammi 系一个 Super Star，有机会同一位 Legendary Artist 合作，好似中奖咁，真系成就解锁。Sammi 嘅前瞻性系我嘅 Role Model，呢场拉阔音乐会绝对系 Once in a Lifetime。我以前每一晚都有追《大头绿衣斗僵尸》，我通常都系颁奖礼或大 Show 先见到 Sammi，离远望，唔够胆同佢讲嘢。第一次真真正正同 Sammi 讲嘢系做佢演唱会嘉宾，𠮶时好开心、好激动。宜家我都仲有呢种紧张，因为佢喺我哋眼中永远都系 Diva。」

张敬轩亦分享自己「Most Wanted」的拉阔画面：「成件事太好玩，我已经谂紧最想同 Sammi 唱咩歌，或者最想喺佢面前唱到咩歌，同埋最想同佢喺台上做咩表演，其中一样就系想同 Sammi 跳舞。」