黃泰來導演離世丨文雋洩黃泰來離世前狀況 見證與樂易玲戀情被劉美君介入：佢好厲害
發佈時間：18:00 2025-07-19 HKT
劉美君前夫、電影導演黃泰來（Taylor）周三（16日）因喉癌病逝，享年75歲。黃泰來生前曾於佳藝電視及麗的電視任職編導，80年代轉戰電影界，曾執導的電影包括《如來神掌》、《緣份》、《鬼新娘》、《法內情》、《我在黑社會的日子》、《愛人同志》、《三狼奇案》、《摩登如來神掌》、《至尊計狀元才》與及《不扣鈕的女孩》等，不過在1994年拍畢《刀劍笑》後便神隱，有指他已退休多年。
文雋與黃泰來相交47年
與黃泰來相交多年的文雋，日前在YouTube頻道《文雋 講呢啲 講嗰啲 Man's Talk》上，亦大談與故友的相處軼事：「其實我和Taylor嘅結緣應該係由1978年開始，我哋識咗47年，我喺90年代北上之後，大家嘅交往係少咗，不過感情好好。」文雋又指黃泰來近年在深圳居住，喺今年5月，聽到消息話佢入咗醫院，本來諗住同麥當傑去探佢，不過佢唔肯畀人去醫院。」
相關閱讀：黃泰來導演離世享年75歲 曾執導《如來神掌》及《法內情》等電影 田啟文證實因喉癌病逝
文雋曾計劃約梁小龍與黃泰來見面
文雋與黃泰來相交多年，他坦言自己最有資格分享黃泰來的情史、電影作品和平時的風格，本來在今年5月，文雋曾計劃約梁小龍與黃泰來齊齊見面：「點知我喺今年5月，聽到消息話佢入咗醫院，上個月見到麥當傑，本來諗住約埋去探佢，點知麥當傑話佢唔肯畀人去探佢，謝絕探訪，因為佢唔想畀人睇到佢個樣。估唔到我啱啱喺英國返嚟，一落機冇耐收到呢個消息。」文雋又稱黃泰來近年深圳居住：「大家都知佢嘅女人緣係好好，但係陪住佢嘅唔再係女人，係8、9隻好得意嘅狗仔。」
文雋見證黃泰來樂易玲由拍拖到分手
黃泰來是TVB高層樂易玲的第一任男友，有指樂易玲當時對黃泰來極為崇拜，甚至為男友赴湯蹈火，黃泰來擁有藝術家性格時常不修邊幅，為人極大男人，但樂易玲亦毫不介意，不過最後因為劉美君的介入而分手。文雋在節目上表示他見證着黃泰來和樂易玲由拍拖到因第三者而分手：「嗰陣我哋拍《靚妹仔》嘅時候，劉美君係幫麥當雄做資料搜集同周圍搵人，佢嗰陣好厲害同非常聰明，唔知喺乜嘢場合佢同黃泰來交往咗，後嚟劉美君一碟成名，後面其實黃泰來都有助力。跟住有一啲我嘅活動，例如我結婚嘅時候，黃泰來同劉美君都抱住個仔嚟。佢哋生咗一仔一女，大兒子叫Jackie、黃雋傑，文雋個雋、麥當傑嘅傑，所以我和麥當傑一個係肥契爺，一個瘦契爺。」
相關閱讀：黃泰來導演離世丨黃泰來喉癌病逝 徒弟公開合照：那會兒他還生龍活虎 陳嘉上導演不捨好友
劉美君與黃泰來性格不合離婚
黃泰來與劉美君於1982年結婚並於1992年離婚，他們育有一子一女。劉美君曾多次被問及與黃泰來離婚的原因，她認為是性格不合：「其實第一年我已經發現整件事都係錯，但我堅持咗10年希望可以得，嗰次學識咗一樣嘢，唔得就係唔得。」劉美君又曾指大仔出世後有抑鬱症：「醫生話我聽係產後抑鬱，我老公（黃泰來）仲話我搵藉口，想搵個藉口搵人發吓脾氣扭吓計咁樣，我好明白當有屋企人唔體諒你嘅時候係有幾痛苦，而家我就梗係講就輕鬆，過晒嗰啲烏煙瘴氣嘅時間啦。我睇番啲相，我廿幾歲嗰時，個樣都幾難睇㗎，雖然係青春，但真係殘，當人有憂愁嘅時候真係殘啲嘅。」劉美君之後再經歷過一段婚姻，同樣失敗收場，她曾表示：「我而家開始覺得我有問題，我問題就係要求太高。但我係一個唔責怪我舊愛嘅人，我從來冇講過前夫一句壞話，分開咗我會檢討自己有咩問題。我係要求好高嘅人，反而令身邊人好辛苦。」
