黄泰来导演离世丨文隽泄黄泰来离世前状况 见证与乐易玲恋情被刘美君介入：佢好厉害
发布时间：18:00 2025-07-19 HKT
刘美君前夫、电影导演黄泰来（Taylor）周三（16日）因喉癌病逝，享年75岁。黄泰来生前曾于佳艺电视及丽的电视任职编导，80年代转战电影界，曾执导的电影包括《如来神掌》、《缘份》、《鬼新娘》、《法内情》、《我在黑社会的日子》、《爱人同志》、《三狼奇案》、《摩登如来神掌》、《至尊计状元才》与及《不扣钮的女孩》等，不过在1994年拍毕《刀剑笑》后便神隐，有指他已退休多年。
文隽与黄泰来相交47年
与黄泰来相交多年的文隽，日前在YouTube频道《文隽 讲呢啲 讲𠮶啲 Man's Talk》上，亦大谈与故友的相处轶事：「其实我和Taylor嘅结缘应该系由1978年开始，我哋识咗47年，我喺90年代北上之后，大家嘅交往系少咗，不过感情好好。」文隽又指黄泰来近年在深圳居住，喺今年5月，听到消息话佢入咗医院，本来谂住同麦当杰去探佢，不过佢唔肯畀人去医院。」
相关阅读：黄泰来导演离世享年75岁 曾执导《如来神掌》及《法内情》等电影 田启文证实因喉癌病逝
文隽曾计划约梁小龙与黄泰来见面
文隽与黄泰来相交多年，他坦言自己最有资格分享黄泰来的情史、电影作品和平时的风格，本来在今年5月，文隽曾计划约梁小龙与黄泰来齐齐见面：「点知我喺今年5月，听到消息话佢入咗医院，上个月见到麦当杰，本来谂住约埋去探佢，点知麦当杰话佢唔肯畀人去探佢，谢绝探访，因为佢唔想畀人睇到佢个样。估唔到我啱啱喺英国返嚟，一落机冇耐收到呢个消息。」文隽又称黄泰来近年深圳居住：「大家都知佢嘅女人缘系好好，但系陪住佢嘅唔再系女人，系8、9只好得意嘅狗仔。」
文隽见证黄泰来乐易玲由拍拖到分手
黄泰来是TVB高层乐易玲的第一任男友，有指乐易玲当时对黄泰来极为崇拜，甚至为男友赴汤蹈火，黄泰来拥有艺术家性格时常不修边幅，为人极大男人，但乐易玲亦毫不介意，不过最后因为刘美君的介入而分手。文隽在节目上表示他见证着黄泰来和乐易玲由拍拖到因第三者而分手：「𠮶阵我哋拍《靓妹仔》嘅时候，刘美君系帮麦当雄做资料搜集同周围揾人，佢𠮶阵好厉害同非常聪明，唔知喺乜嘢场合佢同黄泰来交往咗，后嚟刘美君一碟成名，后面其实黄泰来都有助力。跟住有一啲我嘅活动，例如我结婚嘅时候，黄泰来同刘美君都抱住个仔嚟。佢哋生咗一仔一女，大儿子叫Jackie、黄隽杰，文隽个隽、麦当杰嘅杰，所以我和麦当杰一个系肥契爷，一个瘦契爷。」
相关阅读：黄泰来导演离世丨黄泰来喉癌病逝 徒弟公开合照：那会儿他还生龙活虎 陈嘉上导演不舍好友
刘美君与黄泰来性格不合离婚
黄泰来与刘美君于1982年结婚并于1992年离婚，他们育有一子一女。刘美君曾多次被问及与黄泰来离婚的原因，她认为是性格不合：「其实第一年我已经发现整件事都系错，但我坚持咗10年希望可以得，𠮶次学识咗一样嘢，唔得就系唔得。」刘美君又曾指大仔出世后有抑郁症：「医生话我听系产后抑郁，我老公（黄泰来）仲话我揾借口，想揾个借口揾人发吓脾气扭吓计咁样，我好明白当有屋企人唔体谅你嘅时候系有几痛苦，而家我就梗系讲就轻松，过晒𠮶啲乌烟瘴气嘅时间啦。我睇番啲相，我廿几岁𠮶时，个样都几难睇㗎，虽然系青春，但真系残，当人有忧愁嘅时候真系残啲嘅。」刘美君之后再经历过一段婚姻，同样失败收场，她曾表示：「我而家开始觉得我有问题，我问题就系要求太高。但我系一个唔责怪我旧爱嘅人，我从来冇讲过前夫一句坏话，分开咗我会检讨自己有咩问题。我系要求好高嘅人，反而令身边人好辛苦。」
