Tyson Yoshi程浚彥婚禮風波停不了 為化妝師失誤寸網民「多嘢講」展罵戰：你想人哋冇工開啫

歌手Tyson Yoshi（程浚彥）與女友Christy上周二（8日）一連三日在意大利舉行婚禮，Tyson Yoshi邀請了張敬軒、Jeffrey魏浚笙、Serrini、林家熙（Locker）及女友Marf（邱彥筒）、台灣歌手婁峻碩與太太焦凡凡與及湯令山等等，連日來網上被洗版。

Tyson Yoshi因化妝師與網民開火

不過近日Tyson Yoshi因化妝師的問題與網民開火，新娘子Christy的化妝師Daniel曾在網上分享蝦碌事件，Daniel表示自己化妝箱因航班問題留了在瑞士，沒有跟過去意大利，沒辦法之下他在意大利的化妝品店即時購買一套全新的化妝品補救：「差啲原地退休但仍然進行咗個不可能既任務，無慣用工具下化咗Christy個wedding。」事件惹來不少留言。

相關閱讀：Tyson Yoshi程浚彥意大利婚宴封「婚禮界天花板」   樂壇巨星一腳踢敬酒拉新娘裙指揮現場   

化妝師的化妝箱因航班問題遺留在瑞士

新娘子Christy曾IG留言表示：「係有少少插曲，但結果論嘅我，覺得都唔重要了。」化妝師Daniel發現自己化妝箱因航班問題留了在瑞士後，一落機立刻向Christy坦承發生了這件事時，對方竟十分冷靜說：「去睇吓有冇啲咩顏色嘢要買返，其他可以用我嘅。」Daniel指當時真的十分徬徨，但the show must go on，一定要化得很好，他還說：「我平時係一個over pack嘅人，覺得帶多啲嘢會有安全感，點知今次係一件化妝品都冇，我寧願自己啲衫褲鞋襪未到，但係都要個化妝箱到，點知等極都冇update，最後仍然做到，你問我，其實我都唔係好知點解我可以做到，但係我覺得Christy真係一個好好嘅人，因為佢完全冇畀壓力我，仲畀咗好多安全感我，佢信我真係可以做到，化完兩日，其他人先同我講過你無用自己啲化妝品同工具，都可以化到個妝，仲可以咁冷靜，化得出嚟仲要咁靚，我只能夠講，when life gives you lemons, make it lemonade.」

事件在網上掀起爭議聲

不過事件在網上掀起爭議聲，除了新娘子的妝容外，還有人認為Daniel不夠專業：「化得靚唔靚唔評論，因為化妝好主觀。但我作為一個出oversea出咗十幾年既MUA可以講一句，裝備唔hand carry真係好唔夠專業，仲要攞自己嘅失誤嚟自J。我識嘅所有行家包括我，寧願唔見咗條底褲都唔可以無咗副架生。每次飛要死拖住一大一細喼。」 網民續指今次好彩可以買返，但萬一買唔齊、唔啱用又如何：「有冇諗過，有機會係可以做得更好？唔係好明連呢啲唔專業嘅低級失誤嚟博流量為乜。比着係我知道啲助手呀、我公司嘅化妝師會咁做，實比我媽叉死。教埋你 : hair spray同眉剪眉剃就真係要寄倉，其他全部可以hand carry .」

相關閱讀：Tyson Yoshi程浚彥奢華結婚禮物曝光 意大利名牌餅店出品禮盒裝要價四位數 傳包機請巨星赴歐參加婚禮

Tyson Yoshi忍不住為Daniel發聲

雖然Daniel再三為事件解釋，稱有同行的化妝師有多的工具，而他本身亦不是完全沒有化妝品跟身，但這網民似乎不滿意：「佢真係咁講架，問人借嘢嚟顯示功力，眼都突埋。都係嗰句，請得你做單job，自己連副架生都唔見埋，個客無嘢係因為佢好人。」結果Tyson Yoshi忍不住為Daniel發聲：「我覺得化得好靚喎，你嘈咩？」這網民強調自己只針對件事，妝容無關：「我係講緊成喼嘢冇咗係一個作為專業化妝師嘅專業操守問題，呢啲絕對係低級錯誤，作為一個經常要去外地做嘢嘅人，架撐跟身，係基本嘢嚟。可以先咀嚼一下我分享嘅內容先X我。客人OK只係因為客人好，你試吓喺第二個化妝師喺個普通oversea wedding 度發生呢啲事？個化妝師唔俾人擺上落公審？」Tyson Yoshi寸這網民是「化妝師專業操守協會會長」，直斥：「你都係想搞人哋冇工開啫，唔好咁正義喇。」其後Tyson Yoshi再回覆：「圓滿結束，開心事， 意外，意料之外，明明係地勤嘅責任 … 點解要鬧佢，最尾解決到咪得囉。經一事，長一智，下次咪行李跟身囉。 唉！真係多嘢講，得啦得啦，你好有經驗啦，你叻啦 俾個獎你。」

化妝師Daniel轉發Tyson Yoshi望告一段落

化妝師Daniel轉發Tyson Yoshi的留言：「喂啊，明明好小事，想1分享一次難忘嘅經歷，搞到百幾萬view。幾樣嘢想address返，以後出trip做嘢會執多套handy嘅工具係hand carry，避免total loss風險。一眾準新娘放心，我無再接新娘，無同其他parties 合作/掛單，香港嘅工作都少接咗好多，唔洗擔心遇到我。今次接Christy嘅婚禮係真係想照顧christy結婚化妝呢部分先決定做，條reels原意只係想分享呢個意外，同時appreciate christy & tyson嘅體諒，可能有人睇完覺得我嬉皮笑臉，唔知錯仲make fun of it。其實係想表現得雲淡風輕，但除咗panic 總有方法解決，坦白講當時發生係害怕極了，喊左少少，但之後沉住氣去處理。品牌方完全無要求我出任何content，我分享只係基於gesture 覺得滿意， 值得分享（過往一年化到滿意嘅妝，我都有咁樣share product list）。各個comment指教我都有睇，人無完美，我係一直學習緊，我想呢件事就去到呢到完滿咗佢，多謝大家關注咗一整日，love you all！」