Tyson Yoshi程浚彦婚礼风波停不了 为化妆师失误寸网民「多嘢讲」展骂战：你想人哋冇工开啫

歌手Tyson Yoshi（程浚彦）与女友Christy上周二（8日）一连三日在意大利举行婚礼，Tyson Yoshi邀请了张敬轩、Jeffrey魏浚笙、Serrini、林家熙（Locker）及女友Marf（邱彦筒）、台湾歌手娄峻硕与太太焦凡凡与及汤令山等等，连日来网上被洗版。

Tyson Yoshi因化妆师与网民开火

不过近日Tyson Yoshi因化妆师的问题与网民开火，新娘子Christy的化妆师Daniel曾在网上分享虾碌事件，Daniel表示自己化妆箱因航班问题留了在瑞士，没有跟过去意大利，没办法之下他在意大利的化妆品店即时购买一套全新的化妆品补救：「差啲原地退休但仍然进行咗个不可能既任务，无惯用工具下化咗Christy个wedding。」事件惹来不少留言。

相关阅读：Tyson Yoshi程浚彦意大利婚宴封「婚礼界天花板」   乐坛巨星一脚踢敬酒拉新娘裙指挥现场   

化妆师的化妆箱因航班问题遗留在瑞士

新娘子Christy曾IG留言表示：「系有少少插曲，但结果论嘅我，觉得都唔重要了。」化妆师Daniel发现自己化妆箱因航班问题留了在瑞士后，一落机立刻向Christy坦承发生了这件事时，对方竟十分冷静说：「去睇吓有冇啲咩颜色嘢要买返，其他可以用我嘅。」Daniel指当时真的十分徬徨，但the show must go on，一定要化得很好，他还说：「我平时系一个over pack嘅人，觉得带多啲嘢会有安全感，点知今次系一件化妆品都冇，我宁愿自己啲衫裤鞋袜未到，但系都要个化妆箱到，点知等极都冇update，最后仍然做到，你问我，其实我都唔系好知点解我可以做到，但系我觉得Christy真系一个好好嘅人，因为佢完全冇畀压力我，仲畀咗好多安全感我，佢信我真系可以做到，化完两日，其他人先同我讲过你无用自己啲化妆品同工具，都可以化到个妆，仲可以咁冷静，化得出嚟仲要咁靓，我只能够讲，when life gives you lemons, make it lemonade.」

事件在网上掀起争议声

不过事件在网上掀起争议声，除了新娘子的妆容外，还有人认为Daniel不够专业：「化得靓唔靓唔评论，因为化妆好主观。但我作为一个出oversea出咗十几年既MUA可以讲一句，装备唔hand carry真系好唔够专业，仲要攞自己嘅失误嚟自J。我识嘅所有行家包括我，宁愿唔见咗条底裤都唔可以无咗副架生。每次飞要死拖住一大一细喼。」 网民续指今次好彩可以买返，但万一买唔齐、唔啱用又如何：「有冇谂过，有机会系可以做得更好？唔系好明连呢啲唔专业嘅低级失误嚟博流量为乜。比着系我知道啲助手呀、我公司嘅化妆师会咁做，实比我妈叉死。教埋你 : hair spray同眉剪眉剃就真系要寄仓，其他全部可以hand carry .」

相关阅读：Tyson Yoshi程浚彦奢华结婚礼物曝光 意大利名牌饼店出品礼盒装要价四位数 传包机请巨星赴欧参加婚礼

Tyson Yoshi忍不住为Daniel发声

虽然Daniel再三为事件解释，称有同行的化妆师有多的工具，而他本身亦不是完全没有化妆品跟身，但这网民似乎不满意：「佢真系咁讲架，问人借嘢嚟显示功力，眼都突埋。都系𠮶句，请得你做单job，自己连副架生都唔见埋，个客无嘢系因为佢好人。」结果Tyson Yoshi忍不住为Daniel发声：「我觉得化得好靓㖞，你嘈咩？」这网民强调自己只针对件事，妆容无关：「我系讲紧成喼嘢冇咗系一个作为专业化妆师嘅专业操守问题，呢啲绝对系低级错误，作为一个经常要去外地做嘢嘅人，架撑跟身，系基本嘢嚟。可以先咀嚼一下我分享嘅内容先X我。客人OK只系因为客人好，你试吓喺第二个化妆师喺个普通oversea wedding 度发生呢啲事？个化妆师唔俾人摆上落公审？」Tyson Yoshi寸这网民是「化妆师专业操守协会会长」，直斥：「你都系想搞人哋冇工开啫，唔好咁正义喇。」其后Tyson Yoshi再回复：「圆满结束，开心事， 意外，意料之外，明明系地勤嘅责任 … 点解要闹佢，最尾解决到咪得啰。经一事，长一智，下次咪行李跟身啰。 唉！真系多嘢讲，得啦得啦，你好有经验啦，你叻啦 俾个奖你。」

化妆师Daniel转发Tyson Yoshi望告一段落

化妆师Daniel转发Tyson Yoshi的留言：「喂啊，明明好小事，想1分享一次难忘嘅经历，搞到百几万view。几样嘢想address返，以后出trip做嘢会执多套handy嘅工具系hand carry，避免total loss风险。一众准新娘放心，我无再接新娘，无同其他parties 合作/挂单，香港嘅工作都少接咗好多，唔洗担心遇到我。今次接Christy嘅婚礼系真系想照顾christy结婚化妆呢部分先决定做，条reels原意只系想分享呢个意外，同时appreciate christy & tyson嘅体谅，可能有人睇完觉得我嬉皮笑脸，唔知错仲make fun of it。其实系想表现得云淡风轻，但除咗panic 总有方法解决，坦白讲当时发生系害怕极了，喊左少少，但之后沉住气去处理。品牌方完全无要求我出任何content，我分享只系基于gesture 觉得满意， 值得分享（过往一年化到满意嘅妆，我都有咁样share product list）。各个comment指教我都有睇，人无完美，我系一直学习紧，我想呢件事就去到呢到完满咗佢，多谢大家关注咗一整日，love you all！」