67歲前華姐罕談與猛料前夫離婚真相：當時覺得冇得救 單身逾30年自揭感情狀況活躍
發佈時間：10:00 2025-07-13 HKT
前TVB主播方健儀的Youtube節目《女人方言》，近日訪問67歲娛樂圈「時尚教母」、1978年溫哥華華埠小姐冠軍劉天蘭。方健儀一開始已直接問劉天蘭感情狀態，又問到與電影人岑建勳離婚逾30年，一直保持好友關係，劉天蘭坦承原因：「無怨恨！」
劉天蘭被問感情狀態
劉天蘭被問到感情狀態，大方透露早已準備方健儀會問感情事：「冇40年，單身咗30幾年，當中拍拖又唔需要向外宣傳，都唔係唔忙㗎，啲拖都好多次。有6、7次，講緊30幾年內，都冇乜嘢！識咗一啲朋友傾得嚟，短嘅、長嘅數咗有6、7位。」
相關閱讀：67歲劉天蘭腹部劇痛緊急送院即晚動手術 身體狀況曝光：腸部左傾糾纏一堆
劉天蘭離婚時好年輕
方健儀問到劉天蘭離婚時好年輕，卻一直單身，劉天蘭笑說：「依家都可以開展（感情）㗎！一個單身女性喺唔同階段，對於異性、對於一個伴（侶）嘅需求係唔同，後生係上天生物學嘅設計係需要一個伴（侶），咁所以嗰啲日子忙啲啦，呢方面嘅活動多啲啦！」
劉天蘭認為：「一個人點解要有個伴，個成長化學作用，大家行嘅路，諸如此類太多變數，係好講緣份、機會、時間，順其自然，緣份嚟就嚟走就走。」劉天蘭對感情好隨緣：「點解會喜歡一個人講唔到㗎，好合眼緣突然間叮，就會有，識咗一段時間越嚟越有趣，又會有，最長嗰段（維持）係5、6年。」
劉天蘭關係上較強勢
方健儀拜讀過劉天蘭的自傳，當中劉天蘭的姊姊天梅寫道：「你的性格，你是會照顧男朋友的一方。」方健儀問到是否反映在兩性關係上較為強勢，男方未必適應？劉天蘭認為：「家姐想妹妹有個伴好正常，但係我性格強啲難搵到個伴呢？我又唔認同。我覺得劉天蘭俾人嘅感覺係做得嘢係事實，我認嘅。係咪咁樣不利於男女關係，唔一定，如果男嘅需要一個好能幹，幫助到乜乜乜，都有呢啲Couple。」
劉天蘭岑建勳有一女
劉天蘭與岑建勳緣起合作，再成為密友，最終在1984年結婚，二人育有一女岑寧兒，可惜婚姻僅四年便結束。劉天蘭表示二人的關係維持約八、九年：「係我主動話要分開，當時係一個咁樣決定。諗返轉頭，點解唔long lasting呢？我今天可以講當時呢個婚姻失平衡，生活上、時間上，唔係好balance、唔healthy嘅。當時嘅我30歲出頭，有憤怒嘅，唔係好知點處理自己啲anger。我講緊呢句說話係4、50歲諗返轉頭，點解會係咁，但絕對唔係後悔，一啲都冇後悔。」
劉天蘭視岑建勳密友
劉天蘭曾回想當時認為：「年輕嘅我，冇足夠嘅能耐、耐心去解決不平衡。」加上與岑建勳都非常忙碌，投入工作，劉天蘭直言：「絕對唔係一個人嘅錯，係兩個人嘅。我主動提出分開，當時覺得冇得救，或唔肯救，都她一陣子先做決定。」
劉天蘭與岑建勳離婚後仍保持良好關係，她坦然好難得。劉天蘭直言與岑建勳分開沒有恨怨，而且如要數人生中最好的五位朋友，岑建勳一定榜上有名，劉天蘭說：「我feel more comfortable，佢唔係我丈夫添。」
相關閱讀：65歲劉天蘭皮光肉滑與女兒似兩姊妹 曾奪選美冠軍與岑建勳結婚4年離婚
岑建勳與兩任妻育有三女兒：
