梁釗峰電台訪問晒恩愛？自認大男人為保化妝師女友低調戀情 事隔一周轉口風認：數個月前心裡有別個出現
發佈時間：18:00 2025-07-12 HKT
38歲C AllStar主音梁釗峰日前被拍拖4年半的化妝師女友「Karen」公開疑似出軌證據，訊息由一名叫「llmy」的人發出，訊息內容為「掛住了」，Karen指第三者是圈中人。網民憑四個字母及頭像推測「第三者」疑為ViuTV前口罩小姐。梁釗峰其後峰未有承認出軌，僅指「的確在分手邊緣裡動心」，被網民質疑玩語言藝術。
梁釗峰稱化妝師女友很了解他
梁釗峰日前接受商台節目訪問，當時梁釗峰大談吸引他的異性條件：「最重要心地善良，同埋肯講對唔住，一個肯講對唔住嘅人，係對我有好大吸引力，因為會顧及人感受。」梁釗峰指女友很吻合，「佢好肯講對唔住，一開始已經好了解我，大家會代入雙方思考，會考慮人哋點諗。我哋唔會隨便發脾氣，只要唔動氣，大家就無事，我哋成日傾呢啲嘢。」
相關閱讀：梁釗峰聲明被女星嘲公關做得差：唔係作文比賽 質疑反寸網民 再踩疑似第三者「llmy」乞人憎
梁釗峰自認大男人要保護對方
當時梁釗峰被化妝師女友「Karen」在IG上載大量親密照，疑似公開4年半戀情。梁釗峰其後回覆《星島頭條》大方認愛並稱知道女友這次公開二人關係，但事後才知道女友上載了一些親密的照片：「其實我身邊的人一直知道我的感情狀況，這不是甚麼新鮮事，只是一些不知道的人才會特別關心，她想在自己的社交平台與人分享，但我也會選擇繼續低調，因此我沒有轉載她的貼文。」在節目上，梁釗峰亦有重提有否為女友Po相而嬲？梁釗峰說：「我又冇！真係冇！反而會同佢傾如果呢個階段你想公開，just go ahead。只係後來收到朋友電話話啲相太過親密，先至知咁做或者會影響外間觀感，就同佢講唔好再post啦，反正大家都知道喇。」自認大男人的梁釗峰又稱一直把關係低調處理，只是想保護這段戀情：「大男人？我算呀！我係大男人，因為我驚無能力照顧我身邊嘅人，所以我要逞強！我唔係要你乜都聽晒我講，但我驚你唔聽我講而出咗事，咁我就保護唔到你，我會仲擔心。因為佢唔係圈內人，扯咗佢入嚟，我會好難保護對方。」
梁釗峰
梁釗峰亦因大男人主義所以未有結婚計劃：「我成日認為事業要達到一個點先會諗（結婚），因為未能夠畀到一個穩健、舒適嘅空間畀你身邊嘅人，所以就唔會諗住。」奈何訪問後一周，戀情出現極大變化，梁釗峰女友貼搬家並留言：「愛情裡容不下第三者。」不但將合照刪除，更互相unfollow了對方。曾聲稱要保護女友的梁釗峰，在IG回應前女友「Karen」出軌指控，他稱大半年來二人吵的架實在太多太多：「自年頭起，分開留守分開挽留，歷遍無數輪迴。由衷的打從心底誠懇再次說句，對不起，數個月前我心裡有別個出現，沒向你坦白是我最愧疚的事，我們關係的一直延續，是我的不對。」梁釗峰被網民質疑玩語言藝術，有人說：「對方沒打算介入關係？但個對方知道你唔分手，寫no I think i can't，事實係點，得你先知」、「梁釗峰，你個事業玩完喇」、「msg又無日期，事後打咩都得啦」。另外，梁釗峰在聲明中向前女友表示「若今生緣盡，望來生再指教」，有網民嘲：「下世仲要再遇到你？唔好啦」。
相關閱讀：梁釗峰回應前女友出軌指控 認「分手邊緣動心」 公開被指出軌訊息完整內容：對方沒打算介入
