商台《在晴朗的一天出發》蔓兒被炒林海峰叫返鄉下 合作七年曾被話到落後花園喊
發佈時間：21:30 2025-07-04 HKT
商台節目《在晴朗的一天出發》任職幕後的PA蔓兒，日前自爆已加入失業大軍，上星期突然遭商台解僱。有傳被炒與盧覓雪（Michelle）曾在節目上評論姜濤墮海事件，並說「智商有問題」惹來爭議有關，蔓兒要開直播澄清。但蔓兒與盧覓雪、阮子健食飯的合照，唯不見林海峰（Jan），再惹起揣測。
商台《晴朗》蔓兒憶述七年點滴
蔓兒昨日（3日）分享多張與林海峰的舊合照，透露被炒後曾知會對方，獲林海峰回覆：「返鄉下食餐好先再算。」蔓兒撰長文憶述與林海峰合作七年點滴：「蔓兒而家失業，呢個人仲指住我個頭嚟笑，你話佢係咪好衰？！」
相關閱讀：商台《在晴朗的一天出發》蔓兒突然被炒 即時離職原因未明惹揣測：睇到兩張支票就喊唔出
商台《晴朗》蔓兒被叫林海峰嫁人
蔓兒表示：「仲記得七年幾前第一日返工，佢無端端問我有冇男朋友，心諗Jm X，跟住佢話如果份工唔啱返就去嫁人唔使夾硬返。心諗使唔使第一日返工就咁兇新人（仲要咁父權）」。蔓兒坦言返工第一年好驚：「乜都唔識又做得唔好，成日俾佢話，然後自己落後花園喊。啲同事話好彩佢近年已經收咗火，可能做運動有安多芬與佢，比着係以前我可能一早俾人炒咗。」
商台《晴朗》蔓兒熟習林海峰脾性
蔓兒與林海峰合作多年，已熟習對方脾性：「熟習到有時佢話我都唔會驚、唔會理。上個禮拜仲同佢嘈交（其實係佢話我但我抵唔住頸駁嘴）兩個小學雞互片搞到張部長企喺隔籬好無奈～好彩最後冇事，因為我已經原諒咗佢」。
商台《晴朗》蔓兒曾考慮轉工
原來蔓兒被炒前曾考慮轉工：「呢幾個月都有半認真半講笑咁同佢講話要搵工／轉工，佢就話外邊環境好差好難搵工，又話平時去間Cafe人哋都係幾十蚊粒鐘，呢度起碼穩定咪返住先。心諗我都知難搵工，但呢度無發展我冇可能一世幫佢喺度買早餐（佢就想～）」。
商台《晴朗》蔓兒笑言講壞話
原本打算林海峰退休後，蔓兒便離職：「以前有諗最多做到佢退休就唔做，估唔到而家我退休佢都未（有排）。再估唔到嘅係我冇得做仲要我自己通知佢，搞到好似我炒佢咁 #大個仔啦以後早餐食自己 #我返鄉下耕田種米先啦（大紅人要排舞台劇好忙㗎！搭巴士搭地鐵見啦！）」蔓兒還打趣指林海峰沒有關注其IG，所以可以任講壞話。
相關閱讀：林海峰順應民意開腔談盧覓雪 借「閑」字語帶雙關緩和氣氛：逢星期五都會換主持
