商台《在晴朗的一天出发》蔓儿被炒林海峰叫返乡下 合作七年曾被话到落后花园喊
发布时间：21:30 2025-07-04 HKT
商台节目《在晴朗的一天出发》任职幕后的PA蔓儿，日前自爆已加入失业大军，上星期突然遭商台解雇。有传被炒与卢觅雪（Michelle）曾在节目上评论姜涛堕海事件，并说「智商有问题」惹来争议有关，蔓儿要开直播澄清。但蔓儿与卢觅雪、阮子健食饭的合照，唯不见林海峰（Jan），再惹起揣测。
商台《晴朗》蔓儿忆述七年点滴
蔓儿昨日（3日）分享多张与林海峰的旧合照，透露被炒后曾知会对方，获林海峰回复：「返乡下食餐好先再算。」蔓儿撰长文忆述与林海峰合作七年点滴：「蔓儿而家失业，呢个人仲指住我个头嚟笑，你话佢系咪好衰？！」
相关阅读：商台《在晴朗的一天出发》蔓儿突然被炒 即时离职原因未明惹揣测：睇到两张支票就喊唔出
商台《晴朗》蔓儿被叫林海峰嫁人
蔓儿表示：「仲记得七年几前第一日返工，佢无端端问我有冇男朋友，心谂Jm X，跟住佢话如果份工唔啱返就去嫁人唔使夹硬返。心谂使唔使第一日返工就咁凶新人（仲要咁父权）」。蔓儿坦言返工第一年好惊：「乜都唔识又做得唔好，成日俾佢话，然后自己落后花园喊。啲同事话好彩佢近年已经收咗火，可能做运动有安多芬与佢，比着系以前我可能一早俾人炒咗。」
商台《晴朗》蔓儿熟习林海峰脾性
蔓儿与林海峰合作多年，已熟习对方脾性：「熟习到有时佢话我都唔会惊、唔会理。上个礼拜仲同佢嘈交（其实系佢话我但我抵唔住颈驳嘴）两个小学鸡互片搞到张部长企喺隔篱好无奈～好彩最后冇事，因为我已经原谅咗佢」。
商台《晴朗》蔓儿曾考虑转工
原来蔓儿被炒前曾考虑转工：「呢几个月都有半认真半讲笑咁同佢讲话要揾工／转工，佢就话外边环境好差好难揾工，又话平时去间Cafe人哋都系几十蚊粒钟，呢度起码稳定咪返住先。心谂我都知难揾工，但呢度无发展我冇可能一世帮佢喺度买早餐（佢就想～）」。
商台《晴朗》蔓儿笑言讲坏话
原本打算林海峰退休后，蔓儿便离职：「以前有谂最多做到佢退休就唔做，估唔到而家我退休佢都未（有排）。再估唔到嘅系我冇得做仲要我自己通知佢，搞到好似我炒佢咁 #大个仔啦以后早餐食自己 #我返乡下耕田种米先啦（大红人要排舞台剧好忙㗎！搭巴士搭地铁见啦！）」蔓儿还打趣指林海峰没有关注其IG，所以可以任讲坏话。
相关阅读：林海峰顺应民意开腔谈卢觅雪 借「闲」字语带双关缓和气氛：逢星期五都会换主持
