女神配對計劃丨周嘉全拎素描畫求愛不遂 李芷晴當眾決絕拒愛：冇喺呢方向諗過
發佈時間：20:30 2025-06-09 HKT
TVB戀愛綜藝真人騷《女神配對計劃》昨晚（8日）播出首集，今集除了姜大衞兒子姜卓文被關嘉敏戰鬥格吸引，臨陣轉呔放棄追求李芷晴外，曾展望和周嘉全的出現，令葉蒨文和李芷晴大感意外，他們的表現，同感動到不少網民。
參與《鐵拳英雄》及《奪命提示》、入行超過十年的周嘉全最初未有現真身，只與透露與五位女神都有合作過，林盛斌又說：「你好鍾意畫畫，曾經畫過一副畫送畀一位女神。」周嘉全說：「係...李芷晴。」結果李芷晴大感愕然，接着說：「係喎，我知道係邊個，點解你嚟參加既？」可惜即使周嘉全真誠地示愛，但結果都被淘汰。
相關閱讀：女神配對計劃丨姜大衞兒子姜卓文被關嘉敏戰鬥格吸引 去年傳婚訊突分手 曾遭性欺凌
李芷晴獲周嘉全節目示愛：
李芷晴聞周嘉全示愛感愕然
聽到女神李芷晴的發問後，周嘉全說：「 以前我遇到真心鍾意嘅女仔， 我都淨係識得送幅畫畀佢，就算送完畀佢，我都唔夠膽承認自己鍾意佢。希望以後唔止係畫畫，時間同心機所有嘢都送畀佢。」全場女神嘩然，葉蒨文和關嘉敏一度眼泛淚光，梁敏巧忍不問李芷晴：「你係咪啱啱先知？」李芷晴點頭表示是剛剛才知。「花生友」森美亦忍不住說：「毛管戙呀，好溫馨喎。」戴祖儀還說：「佢（周嘉全）真係鍾意佢喎，好有心喎。」後來李芷晴說：「感覺係好突然，我係完全唔知周嘉全係鍾意我，不嬲有畫開畫，而佢送畀我之前，都有畫咗幅男仔畫畀阿 Ben（袁偉豪） 嘅，我以為純綷係一個學術上嘅交流。」
葉蒨文被周嘉全感動落淚
周嘉全被問到為何送畫一刻不馬上向李芷晴表白時，周嘉全說：「嗰陣我係同佢喺港鐵站畀佢嘅，我畀完佢傾咗陣偈後，佢就話『我準備搵男朋友喇』， 我之後就冇諗其他嘢喇。」葉蒨文即被感動落淚，她覺得周嘉全很真心：「嗰種誠意同長情，仲有好溫柔。」林盛斌再晒出周嘉全的畫作，李芷晴又說：「其實我一直都冇喺呢方向諗過，因為我哋都幾fd，係係少少fd zone咗。」周嘉全接着大派愛的宣言：「其實（你）揀唔揀我，我一直都會咁欣賞你，而且我會相信你選擇幸福嘅能力，所以我係....唔緊要嘅。」李芷晴全程心大心細、不知所措，掙扎了一大輪後，最終還是沒有選擇周嘉全，李芷晴眼紅紅說：「太突然喇，所以我需要啲時間消化一下。」
相關閱讀：女神配對計劃丨姜卓文突轉軚李芷晴臨門一腳慘食檸檬 「吳卓羲2.0」因一夜情被梁敏巧轟講大話
TVB新咪神李芷晴獲網民力捧？
李芷晴為事件感後悔
事後周嘉全說：「我覺得係有啲可惜，因為我哋由頭到尾都未試過有約會，一直都係以朋友身份相處，我頭先都講過，我相信佢選擇幸福嘅能力，呢一樣我係真心。」李芷晴哽咽地說：「我真係完全冇諗過佢對我係有意思，所以就會變咗嗰一刻好混亂，好似撳咗即係要同佢拍拖？喺電光火石之間，可能畀多幾秒我我就會撳咗，而家都少少後悔。」事件惹來不少熱議，有人說：「欣賞佢嘅勇氣，正面啲睇，佢嘅參加，令到多咗人留意到佢。加油努力工作，有成就自然大把選擇。呢個世界，失敗係好平常嘅事。」事實上周嘉全在海選時，曾自稱需要鼓起很大勇氣才能公開在節目中追求女神，他曾向女方送上素描「以畫傳情」，可惜當時對方仍有另一半而未有開口示愛，未能與李芷晴進一步發展，搞到林盛斌忍不住肉緊反問：「問吖嘛，點解唔問啫？有幾難啫？」
周嘉全做Uber司機幫補生計
周嘉全在2017年入讀TVB第29期藝訓班，入行後多數做閒角，於《愛回家》飾演全職侍應，他曾表示工餘時間就會去做Uber司機幫補生計，感謝在低潮期得陳展鵬、袁偉豪扶他一把。節目播出後，周嘉全表示收到不少inbox打氣及慰問，令他大受感動。問到當初是如何愛上李芷晴，他大方回應：「我第一次見面已經好欣賞佢。好記得佢第一套劇《鐵拳英雄》、當時佢仲係實習，我就演奸角嘅手下，負責攔住所有爆炸受傷者、唔畀佢哋入醫院。嗰時有一個女同學不停咁暈低，我發現到李芷晴一直有努力去演自己嘅戲之餘，亦有一直照顧緊呢一位女同學，我嗰刻就好欣賞佢。」周嘉全（阿皮）又笑言這次被拒愛獲不少網民關注會否有「反轉」，對此周嘉全（阿皮）笑言：「我主要希望今次可以帶到正面嘅訊息出嚟，就係遇到真係鍾意嘅人，要放膽去愛，做真嘅自己，實有人會鍾意你。」
