女神配對計劃丨《愛回家》CP葉蒨文曾展望驚爆早已同居：唔好咁苛刻 GM八字回應真實關係
發佈時間：16:00 2025-06-10 HKT
女神配對計劃丨TVB戀愛綜藝真人騷《女神配對計劃》周日晚（8日）播出後，惹來不少迴響，新一代「愛回家CP」曾展望（GM）公開向女神葉蒨文（Sophie）示愛，經過兩日網上發酵後，有網民聲稱半年前已經見到兩人在荃灣Apartment同居。
葉蒨文坦言想不到反應咁大
葉蒨文在IG留言坦言想不到反應咁大，她還說：「本身都預咗有啲迴響，但係面對大家嘅瘋狂留言、洗版同埋祝福，甚至有朋友同我講睇到喊同埋瞓唔着，有少少受寵若驚。」對於被指與曾展望半年已經同居，葉蒨文說：「有證據就攞出嚟！」曾展望就以四字回應。
相關閱讀：女神配對計劃丨「愛回家CP」曾展望葉蒨文戲假情真認有好感 隨時撻着力推做另一對陳豪陳茵媺
曾展望葉蒨文火速發展至同居階段？
葉蒨文否認同居與屋企人同住
葉蒨文在IG留言亦提到曾觀眾質疑事件只不過是一場騷，但她表示確實真誠地了解男嘉賓說：「其實我哋同男嘉賓都係人嚟㗎，人都係感情動物，仲要咁多素人點樣演戲呢？仲要一個二個女神瘋狂插嘴講嘢，大家因為friend你一言我一語，咁鬼多碎嘴神助工點樣有劇本啊？我哋事前亦唔知道有邊個人會出現，所以好多做決定嘅時候，我哋係百感交集，選擇與否、撳燈與否，有時真係一念之差，希望觀眾都記得我哋其實真係活生生用自己來經歷緊呢一切，希望大家會去欣賞當下嘅呢一份真實感，唔好對女神們咁苛刻。」她續說：「相信大家咁激烈嘅討論係因為大家都睇得好投入，所以希望你哋繼續好好享受呢個節目，但係！希望都畀啲空間女神同男嘉賓互動。」對於與曾展望同居，葉蒨文亦有說：「有證據就攞出嚟，我都努力搵緊錢，未有能力租一個Apartment住，我而家都係同屋企人住喺港島區。我覺得大家唔使淨係focus喺我同曾展望呢對，啱啱開始啫，唔好咁快叫我結婚生小朋友，想順其自然，我都有啲壓力，我都想同其他男嘉賓認識，希望大家畀啲空間我哋。」
曾展望想葉蒨文放鬆地作出開心選擇
事有湊巧，曾展望昨晚亦有在IG出PO，他同樣收到大量DM而感到受寵若驚，先要冷靜下來兼專心工作，他還說：「首先真係非常多謝大家咁支持我咁錫我，直程連個仔嘅名都幫我改埋，例如，曾天行（在人生道路上航行，滿展望與未來） 有心程度係誇張，我已經贏晒大家滿滿嘅愛好感動。承蒙大家嘅厚愛，好猛烈，坦白講，好開心但都有少少壓力，壓力在於大家嘅期望。我自己參加得節目就食得咸魚抵得渴，但對女仔嚟講可能會有啲不知所措，好似已經幫佢篤定咗我，我想佢可以放鬆地作出自己開心嘅選擇，希望大家可以畀啲空間我哋啦。」對於「同居傳聞」，曾展望說︰「我都想係，邊有咁快，啱啱先喺節目認識追求中，同埋我都唔係住荃灣區，我係同屋企人住，我未有咁嘅福份，多謝大家。」
相關閱讀：女神配對計劃丨周嘉全拎素描畫求愛不遂 李芷晴當眾決絕拒愛：冇喺呢方向諗過
李芷晴獲周嘉全節目示愛：
火火爆曾展望「Chance 蛋餅」無得頂
另一方面，在昨晚播出的《奇情谷》，曾展望同樣是節目焦點，當他準備匯報《奇情谷》內容時，吳若希已急不及待追問︰「係咪匯報你同葉蒨文（Sophie）嘅進展啫？」谷主火火接力加入戰團，大讚曾展望在真人騷表現︰「佢真係型到呢。」還重提多年前曾展望跟葉蒨文合作的節目《不能只有我看到的便利店追女神食譜》，火火說︰ 「嗰塊『Chance 蛋餅』嘅幽默同愛心、細心同誠意，真係無得頂。」吳若希繼續「唱雙簧」表示查過曾展望跟歌手葉蒨文丈夫林子祥是同一日生日，足證二人緣份。處於下風的曾展望無力反擊，只無奈說︰「多謝大家支持，其實所有招數都係跟『情場浪子』火哥學，追女仔嚟講『一膽、二力、三功夫』。」火火 呼籲網民在留言區為 GM 打氣。
