香港網紅北上開烤肉店半年蝕70萬結業離場呻餐飲難做網民狠批：無咁大個頭唔好戴咁大頂帽

更新時間：16:00 2025-06-10 HKT
發佈時間：16:00 2025-06-10 HKT

港人北上消費熱潮有增無減，一位香港YouTuber在半年前看準商機，於內地經營一間烤肉店，打算進軍深圳市場大展鴻圖，惟半年後因虧損近70萬元，最終黯然結業離場。近日他於YouTube拍片分享這段創業經歷，大呻餐飲難做，不過卻引來網民一面倒劣評，狠評結業一大原因：「無咁大個頭唔好戴咁大頂帽！」

香港網紅北上開烤肉店半年蝕70萬結業離場呻餐飲難做

擁過十萬追蹤者的香港網紅「David大衛」，半年前接手經營一間位於深圳羅湖的烤肉店「炎田家烤肉」，餐廳主打和牛、活鰻、海鮮烤肉，開業初期憑影響力吸引不少粉絲光顧，然而事與願違，餐廳於半年內虧損70萬元，令作為老闆的他血本無歸，最後在「無辦法負擔虧損」下決定止蝕離場，無條件交給做餐飲業的朋友接手經營。

大衛近日於YouTube頻道「Janice Kids TV」拍片分享這段創業經歷，坦言自己是餐飲業新手，在零基礎下創業十分艱難，加上缺乏相關經驗，連食材品質監管都全權交由廚師負責。另外，他又大呻內地餐飲業難做，競爭激烈之餘，受經濟環境影響，市民消費意欲大減，加上食材成本增加，生意額上升幅度不如預期，導致經濟壓力大增。

雖然他早預料創業初期或會虧損，但仍抱持「捱到見到曙光」的想法，又提及多次告急宣傳的成效不大。翻查今年3月的片段，當中大衛已表示每月蝕5萬元，又指「做生意唔容易，背水一戰，一鋪定生死！」希望粉絲前往光顧支持，可惜最終生意沒有起色，選擇止蝕離場。他感嘆：「創業夢碎，千年道行一朝喪」，對未來感到迷茫，同時表示這次經歷讓他認清自身能力與影響力的局限，認為是一次寶貴的教訓。

網民狠批：無咁大個頭唔好戴咁大頂帽

大衛的經歷引來不少網民熱議，其中部分網民狠批結業一大原因，是歸咎大衛沒有親力親為落舖，直指「唔係飲食業出身，又唔係親力親為，好難做啫。無咁大個頭唔戴咁大頂帽」、「我見到你成段片都講到好無奈，但係啲錢係你自己辛苦咁儲返嚟，到蝕錢仲唔緊張咩仲唔返去睇實？」、「相信大眾網民一早都不睇好你盤生意，你太高估自己能力」、「力不到不為財」、「大部份時間都唔返舖頭，你估玩緊放置手遊，久唔久入去收割？」、「我未見過老板頂手唔睇住間鋪，仲周圍去拍片」、「自己成副身家隊落去深圳開舖，但住係東莞」

不過亦有網民力撐，表示支持：「你很年輕，有氣有力，困境好快過去！」、「內地餐飲太多元化太多選擇，好彩你及時止蝕，唯有當過澳門賭左鋪輸左，但賺個經驗！」、「仲後生可以慢慢再嚟過。」

資料及圖片來源：YouTube @ Janice Kids TV、David 大衛