林作拍片撐裕美最善良真誠間接否定舊愛人格麥明詩「無緣新抱」風波未平

更新時間：22:15 2025-06-05 HKT
發佈時間：22:15 2025-06-05 HKT

近日林作母親王莉妮（Lily）在社交平台公開「無緣新抱」麥明詩（Louisa）兒子的正面照，隨即引發一場洩密風波，不僅遭網民狂轟，更惹怒麥明詩本人，要求刪除照片，「無緣新抱」風波被外界誤解為Lily「恨抱孫」、「好鍾意前度」，間接否定林作現有的感情關係，搞到林作現任女友裕美都被辣著扯火，日前獨家向《星島頭條》還原事件真相，指正係麥明詩多次纏繞搵前度阿媽上契，做她兒子契媽，設局令Lily姐墮入阱陷，陷於困境，而一切非Lily姐意願，裕美更不留餘地指怒轟麥明詩做法令人費解，坦言：「我呢行咁耐唔鍾意啲人借人上位，見到就火滾，但娛樂圈就係咁。」對此，知情的林作僅回應「冇意見」，竟反常態冇抽水。

強調兩次「我撐裕美」

雖然林作選擇保持沉默唔捲入今次「婆媳」及前度風波中，但今日他在IG放上短片，就用另一個方法力撐裕美，開場時強調語氣說：「我撐裕美！」林作更大讚裕美人格既善良又最真誠：「裕美從來都係最善良、最真誠、講真說話，唔理其他嘢嘅人，佢係我見過呢世人，唔係講笑，我認識朋友裡面，最真正善良、愛心、善良，我見過係最一等一嘅，我撐裕美，邊個蝦佢我都會替佢出頭。」片中林作還連講兩次「我撐裕美。」擺明係支持裕美，唔認同舊愛。

裕美之前接受《星島頭條》獨家訪問時講事件真相，指麥明詩做法及身份上「騎呢」兼奇怪，連Lily姐都覺得莫名其妙。裕美更直言有人設局令Lily姐墮入阱陷，她更不滿直斥：「有病嘅人先會諗到咁嘅嘢！」不過，裕美的坦白敢言依然惹來網民負評，反指她「搏見報」、「你唔生畀奶奶睇」、「狗咬狗骨」、「咁酸」等。

↓立即下載星島頭條App↓