中年好聲音3｜周國豐解構劉洋敗北之謎：佢畀我扣分好唔抵被傳退出《中4》冷血評審有暗示

更新時間：20:30 2025-05-15 HKT
發佈時間：20:30 2025-05-15 HKT

《中年好聲音3》決賽中奪得季軍的劉洋，自參賽以來有「重炮手」之稱，在《中年好聲音3登峯之戰》當晚劉洋演唱《沒有你贏了世界又如何》、《我恨我痴心》和《Without You》三首歌曲都表現出色，被網民封「民選冠軍」。而一直被封為「冷血評審」的周國豐最近接受訪問，亦都承認劉洋當晚發揮是超水準，因為做到一點，令他脫胎換骨，但周國豐當晚始終是給予張與辰最高分數。而最眾多參賽者之中，他最替一位不值，認為他應該晉身三甲。外間亦有傳周國豐將會離開《中年好聲音》團隊、不會參與《中4》，他亦從言談間暗示出答案。

周國豐解釋劉洋脫胎換骨之謎

周國豐表示，劉洋亦決賽當晚的確表現出色：「佢係表現得好好，甚至比之前嘅集數都仲好，佢就好似第一季嘅周吉佩同第二季嘅古淖文咁，於決賽有超水準演出。」周國豐指，古淖文於《中2》決賽時同過周國豐講，自己沒有緊張，只希望可以做好一個騷，周國豐謂：「就係呢個諗法，令古淖文可以完全放騷，除大大增加壓台感外，把聲亦會更加突出，劉洋當晚就係完完全全做到呢一點。」周國豐話，黃博、張亦辰當晚表現可以用平穩來形容，跟之前集數相比是少了驚喜，故此他於三強時的快、慢歌的總評分，他是給張與辰最多的分數（19和19分），而黃博和劉洋是同分（19分和18分）。

周國豐因一點扣劉洋分：

周國豐：劉洋畀我扣分好唔抵

周國豐指劉洋於決賽時是十分出色，被自己扣分是相當不值：「其實劉洋係好唔抵嘅。佢快歌我畀19分，慢歌係18分，佢唱《Without You》嘅感情、力量以及跟觀眾嘅互動都好出色，我認為同Air Supply都可以媲美，不過佢咬字真係太唔準，去到我聽唔明嘅程度，如果佢係唱國語歌，或者可以喺我手上得到更高分數。」

周國豐替金凱未能打入三甲不值

此外，周國豐亦明言替李金凱未能打入三甲不值：「我係戥金凱唔抵嘅，但決賽當晚，又的確三甲人選係表現好過佢，不過我情感上係想佢入到前三。我要為佢平反，好多網民都覺得佢成日咁高分，係因為佢身體狀況，不過我從來冇因為呢點而畀較高分佢。佢喺台上都講過，希望人哋視佢如普通人，呢個我好深印象。我覺得金凱除咗歌藝好之外，佢做人嘅態度、理念同實踐，我都好欣賞，亦教咗我好多嘢。」

周國豐：《中4》應取消撳燈

有傳周國豐不會參與《中4》評審工作，但被問到想節目未來有何改善時，周國豐就有好多意見，亦多次從「我」出法，看來他大有機會繼續當節目評審：「我好希望嚟緊會取消撳燈，因為去判斷一個參賽者好與壞，唔係All or Nothing。另外我亦希望可以畀評審畀小數位分數，即係唔係得18或19分，可以畀18.5咁，咁就更加公平。另外亦希望節目組可以拍多啲參賽者背後嘅故仔，令到節目唔係只係歌唱節目咁簡單。」