林珊珊罕談簽鄭伊健經過語出驚人：點解佢咁XX都有人買碟？ 驚揭初出道有「過度活躍」
發佈時間：14:00 2025-05-02 HKT
資深電影人文雋近年開設個人YouTube頻道，定期邀請娛樂圈嘉賓大談圈中趣事。文雋最新一集節目請來華納唱片非執行董事、寰亞藝人經紀高級副總裁，兼寰亞傳媒集團旗下Lam&Lamb Entertainment Ltd負責人林珊珊，分享圈中所見所聞。訪談間林珊珊被文雋問到如何與鄭伊健結緣時，她罕有公開當年二人認識經過。
林珊珊意外發現鄭伊健唱片銷量
文雋在節目中問林珊珊：「佢係識咗你之後先一口氣簽俾晶哥五部片約？定係佢已經拍戲要搵個經理人？」林珊珊指當時自己任職唱片公司BGM（現為索尼音樂娛樂（香港）所收購）的英文部，初期她擔任市務總監。她提到最初並不認識鄭伊健。她說：「佢一直以嚟都係TVB嘅經理人部，因為佢簽咗，所以嗰陣時點解會同鄭伊健結到緣呢？因為當時嗰間唱片公司BMG嘅前身，佢哋就簽咗鄭伊健，可能係TVB介紹，咁佢哋嘅演員要出唱片，我嗰時做英文部，唔係中文部，好似嗰陣時我啱啱好係格籬組，我成日都過去八吓。」
林珊珊研究鄭伊健銷量之謎：有得做
林珊珊指，當時她在英文部時經常會與其他組開會，並可以看到銷售報告：「咁我睇到，咦，呢個，邊個藝人嚟，賣得幾好喎，實在就唔係太好，但係以佢當時嘅知名度，同埋佢好似冇乜Hit歌，點解佢都有人會買碟嘅，我嗰時就 marketing啊嘛，我就研究吓呢件事，然後我就覺得，咦，有得做喎，咁我就去認識吓佢知佢係邊個。」
形容鄭伊健純品、唔做作
其後林珊珊留意到鄭伊健的個性與當時的藝人有極大差異：「佢嗰陣成日都有陣時上嚟公司，我記得我喺電梯口，我哋工廠大廈嚟㗎嘛，喺土瓜灣木廠街，佢行過嘅時候，（我感覺）好少可男仔咁純品，即係個感覺啊，佢就成日喺唱片公司跑嚟跑去，邊有啲細路咁樣。」
林珊珊續說：「咁我就覺得，咁就有得做喇，因為嗰陣時所有男藝人，都係好肆正，即係正正經經咁，有一個唔正經，好似𡃁仔咁，佢又唔係冇禮貌嗰啲男仔，只不過就係佢唔做作，咁我就走去無遂自薦，我就走去同我個Managing Director講，我話你可唔可以俾我試吓，做中文歌啊？」就是這樣林珊珊便與當時相當年輕的鄭伊健結緣至今。
