林珊珊罕谈签郑伊健经过语出惊人：点解佢咁XX都有人买碟？ 惊揭初出道有「过度活跃」
发布时间：14:00 2025-05-02 HKT
资深电影人文隽近年开设个人YouTube频道，定期邀请娱乐圈嘉宾大谈圈中趣事。文隽最新一集节目请来华纳唱片非执行董事、寰亚艺人经纪高级副总裁，兼寰亚传媒集团旗下Lam&Lamb Entertainment Ltd负责人林珊珊，分享圈中所见所闻。访谈间林珊珊被文隽问到如何与郑伊健结缘时，她罕有公开当年二人认识经过。
林珊珊意外发现郑伊健唱片销量
文隽在节目中问林珊珊：「佢系识咗你之后先一口气签俾晶哥五部片约？定系佢已经拍戏要揾个经理人？」林珊珊指当时自己任职唱片公司BGM（现为索尼音乐娱乐（香港）所收购）的英文部，初期她担任市务总监。她提到最初并不认识郑伊健。她说：「佢一直以嚟都系TVB嘅经理人部，因为佢签咗，所以𠮶阵时点解会同郑伊健结到缘呢？因为当时𠮶间唱片公司BMG嘅前身，佢哋就签咗郑伊健，可能系TVB介绍，咁佢哋嘅演员要出唱片，我𠮶时做英文部，唔系中文部，好似𠮶阵时我啱啱好系格篱组，我成日都过去八吓。」
林珊珊研究郑伊健销量之谜：有得做
林珊珊指，当时她在英文部时经常会与其他组开会，并可以看到销售报告：「咁我睇到，咦，呢个，边个艺人嚟，卖得几好㖞，实在就唔系太好，但系以佢当时嘅知名度，同埋佢好似冇乜Hit歌，点解佢都有人会买碟嘅，我𠮶时就 marketing啊嘛，我就研究吓呢件事，然后我就觉得，咦，有得做㖞，咁我就去认识吓佢知佢系边个。」
形容郑伊健纯品、唔做作
其后林珊珊留意到郑伊健的个性与当时的艺人有极大差异：「佢𠮶阵成日都有阵时上嚟公司，我记得我喺电梯口，我哋工厂大厦嚟㗎嘛，喺土瓜湾木厂街，佢行过嘅时候，（我感觉）好少可男仔咁纯品，即系个感觉啊，佢就成日喺唱片公司跑嚟跑去，边有啲细路咁样。」
林珊珊续说：「咁我就觉得，咁就有得做喇，因为𠮶阵时所有男艺人，都系好肆正，即系正正经经咁，有一个唔正经，好似𡃁仔咁，佢又唔系冇礼貌𠮶啲男仔，只不过就系佢唔做作，咁我就走去无遂自荐，我就走去同我个Managing Director讲，我话你可唔可以俾我试吓，做中文歌啊？」就是这样林珊珊便与当时相当年轻的郑伊健结缘至今。
