「籃球女神」晒巨肚宣布懷孕 與前甲一老公拍ViuTV真人騷後見紅：諗返起都牙煙
發佈時間：19:00 2025-04-08 HKT
現年36歲的「籃球女神」方泳琳（Jessie）在2023年與拍拖兩年的前甲一籃球員男友陳張敏（Ryan）結婚，今日（8日）傳出喜訊，方泳琳宣布懷孕，恭喜恭喜！
方泳琳懷有身孕好幾周曾做危險動作
方泳琳和陳張敏早前以夫妻檔參加ViuTV《大力情人》，兩人不時要爬高爬低，又有不少如摔角的推倒動作，方泳琳稱在拍攝最後一日都未知自己原來已經懷有身孕好幾周：「諗返起都牙煙。」
相關閱讀：34歲籃球女神新婚晒「裸」照？Deep V婚紗現立體上圍 錯覺似冇着衫
籃球女神方泳琳晒孕照：
方泳琳陀B期間出現見紅要卧床
「籃球女神」方泳琳今日在IG貼上多張孕照宣布懷孕，她說：「終於可以同大家分享呢份喜悅啦。我哋一直都好鍾意小朋友，所以結婚之前已經做晒婚前檢查，婚後亦都即刻調理身體，進入備孕狀態！直到拍攝《大力情人》嘅時候，身形已經調理到大咗成個碼。但最驚險係去到拍攝最後一日，我都未知自己原來已經懷有身孕好幾周，喺節目入camp嗰陣搬咗好多個沙包，好似摔角咁推對方出沙圈等等嘅危險動作，諗返起都牙煙（最後係拍晒成個節目先發現自己有咗），之後隔咗冇幾耐，唔知係咪真係太操勞，發現有少少見紅，要臥床成個星期，不過BB都好叻叻，冇事冇事。感謝上天畀機會我哋成為父母，非常期待BB嘅來臨，唔知BB鍾唔鍾意打籃球呢？究竟佢會似Mammy做射手，定係似Daddy做大前鋒呢？」
方泳琳曾參加《最後一屆口罩小姐選舉》
方泳琳曾以「Renci」之名參加ViuTV的《最後一屆口罩小姐選舉》，當時短髮Look被指有點像台灣女神陳妍希，又有點撞樣張振朗女友楊偲泳（Renci）。其後方泳琳曾參演ViuTV劇集《大叔的愛》，飾演插畫家Kiko，亦有在MC張天賦主演的電影《夜校》演出。方泳琳又曾為HOY TV主持旅遊節目《杭州限定旅團》，經常穿上性感泳衣晒身材，雖然貴為女神，但她之前上ViuTV節目《晚吹-戀講嘢》做嘉賓時，曾自揭遇上兩個渣男前度出軌，其中一位更同樣是籃球員。
方泳琳靚相：
