張建聲為生活飲到屙血！醉酒爆粗自認戇X身體響嚴重警號：唔敢做body check

41歲的張建聲因三級片《一路向西》而為人熟悉，其後因網劇《反黑》中「招積」一角殺出血路，成為「奸角專業戶」，雖然張建聲為工作搏到盡，曾5次為配合電影角度犧牲身形，由6嚿腹肌型男增肥變220磅大肥佬，搞到心翳、胃酸倒流、大便有血等種種問題，不過對他的事業似乎未有幫助，去年年底一個人由香港搬到廣州生活並說：「同對未來嘅不穩定因素，好似沉重嘅陰霾籠罩喺我心裡面，令我陷入沉沉嘅憂鬱之中。」

張建聲殘爆開live絕非賣慘

日前張建聲突然在IG開live，殘爆兼滿面通紅的張建聲坦言：「好X攰！」但他多番強調自己開直播絕非賣慘，只不過是壓抑多時，酒後可以有一個情緒宣洩的渠道，他坦承「呢幾年我受得太多」，同時談及作為演員面對的苦況及辛酸，但他實在不想放棄，反而希望有緣見到的朋友，聽聽一個香港演員怎樣去世界不同地方尋求機會。

相關閱讀：曾拍三級片男星去年認愛選美佳麗發展父女戀 突移居廣州現頹樣狂呻寂寞疑甩拖

張建聲殘爆開live宣洩情緒？

張建聲要為自己搵機會

張建聲去年與比他年輕16年的工展小姐曾嘉晴的「父女戀」玩完後，在抖音宣布移居廣州生活，張建聲日前在IG直播中直言：「因為我要食飯，香港冇人搵我拍戲，香港暫時唔需要我，我唔食，我屋企都要食。咁唔緊要，我去馬來西亞，我去日本，我搵機會囉，大家唔好怪我，因為個餅太細，叻過我嘅人太多，所以就係自己出去搵。」在貧民窟長大的張建聲，一直是個「壞孩子」，讀書不成又「媾好多女」，直至28歲那年才找到一樣自己喜歡做的事，就是拍戲：「但係偏偏我鍾意做嘅時候，佢沒落吖嘛，咁佢沒落嘅時候，我唔係要逞英雄，係大家都要開飯吖嘛。」

張建聲稱除了要演技外還要用生命來演戲

有人問張建聲為何香港沒有人找他拍戲？他說：「第一啦，香港已經唔係多戲拍，第二，角色啦，真㗎，我冇得去講啲X嘢話我揀劇本或者唔X鍾意拍，個事實就係，個餅得咁X大，人哋唔搵你咪唔搵你囉，好正常，人哋有得揀㗎嘛係咪？」他續說：「張建聲本人搬咗去廣州，因為香港電影業暫時唔需要我，我自己覺得，我覺得啫，香港電影業塊餅得咁多，我仲衝埋去搶？我啲師兄、我啲師弟師姐師妹點X樣？點X樣？」他停一停頓，再次鼻子一酸問：「但係如果我仲郁到，我做咩唔自己跑呢？」談到即使為電影搏盡，連健康都亮警號，但張建聲試過他為角色減了四十磅，最終根本沒有他除衫的戲份，張建聲說：「呢啲冇得怨，呢啲真係冇得怨。」張建聲指做演員除了要演技外，亦用生命來演戲，堅持盡量不用替身：「有陣時返X到去，隻手損X晒，我老母問我咩事，原來拍戲咁X樣嘅咩？我都唔X識答，呢個唔係賣慘，而係因為我正身去做好過替身，我唔係話唔畀stunt man同香港武術指導機會，但係永遠就係想正身做，做到一個位我做唔X到，我見骨喇隻手……」

相關閱讀：40歲張建聲晒咀嘴照認愛！與工展小姐發展父女戀 嫩口女友頻晒豐滿身材勁吸睛

張建聲試過做傻事與及看3次精神科醫生

張建聲過往曾因太投入角色「招積」無法抽離，試過做傻事與及看3次精神科醫生，幸好得黃秋生一言點醒，張建聲曾說：「當時秋生哥同我講話傻仔嚟嘅！駛乜要個角色出嚟啫。你將佢擺喺個心到，搵個校長管著佢。10年之後攞返出嚟，佢會陪著你成長㗎嘛。」 今次張建聲在直播上，坦言因多次將身體推至極限，生理、心理上亦產生各種問題：「第一，我拍X到我身體有問題；第二，我拍X到呢度（腦部）有問題，我要食藥；第三……」他更哽咽吐出一句：「我拍X到條女都冇X埋……」張建聲更眼濕濕說：「我好X攰！我真係好X攰，有時瞓X醒都唔知我自己喺邊，唔好講話飛，喺內地，我而家基地喺廣州，我有時都唔知我自己喺邊X度，我阿媽問我，阿仔你喺邊，我話阿媽你等陣先，我問吓我個friend，我而家喺邊？哈哈哈，我就會諗呢啲嘢⋯⋯如果我拍拖，我咪對個女仔唔公平囉，同埋我想結婚。」

相關閱讀：張建聲曾醉酒得罪天皇巨星 要鞠躬道歉求原諒

張建聲女友曾嘉晴性感照逐張睇：

張建聲為搵錢飲到屙血連胃都快穿

張建聲近年為電影任監製，不時外出找有可能合作的投資者，應酬少不免，但他透露自己飲到屙血、胃都快穿了，很多時候都只是白飲，不過有一絲機會都要試：「無論我去到邊個地方，哪怕呢個人係potential嘅investor，我都要見，要飲幾多，我飲幾多囉，點解？有啲朋友可能唔知，點樣去合作、communicate，get closer，一啲Event之後，要有啲相處、共同空間，（如果唔係），next time，who the fxxk are you？我唔X知你邊個。」

張建聲一度爆SEED稱「點解有呢啲戇X仔」

張建聲一度爆SEED地說：「要開一部戲好X難！真係好X難！你買層樓都保值過開一部戲！但點解有呢啲戇X仔仲喺度……X你老味，我都唔X知‧。X你老X，飲X到屙血呀好冇呀？我唔係好X偉大，我好X自私呀！我一定要開到部戲，為我自己而拍，或者畀個更加紅嘅去拍，但係至少大家有工開。」網民稱十分擔心其身體狀況，但張建聲表示自己不敢去驗身，「我唔敢做body check，我有個保險agent喺度，我真係唔敢做body check，真係唔X夠膽，年紀大咗真係唔X夠膽。」不過張建聲再三強調，自己不需要也不想賣慘，因為「條路自己揀」，但他說出最心底的一句：「我有條大前提，你畀我演到老啦！之後我做乜嘢，你睇死我啦，你畀我演到老啦，你淨係畀我演到老，我好X鍾意演戲，X你老X！我用條命去演㗎！」