张建声为生活饮到屙血！醉酒爆粗自认戆X身体响严重警号：唔敢做body check

41岁的张建声因三级片《一路向西》而为人熟悉，其后因网剧《反黑》中「招积」一角杀出血路，成为「奸角专业户」，虽然张建声为工作搏到尽，曾5次为配合电影角度牺牲身形，由6嚿腹肌型男增肥变220磅大肥佬，搞到心翳、胃酸倒流、大便有血等种种问题，不过对他的事业似乎未有帮助，去年年底一个人由香港搬到广州生活并说：「同对未来嘅不稳定因素，好似沉重嘅阴霾笼罩喺我心里面，令我陷入沉沉嘅忧郁之中。」

张建声残爆开live绝非卖惨

日前张建声突然在IG开live，残爆兼满面通红的张建声坦言：「好X攰！」但他多番强调自己开直播绝非卖惨，只不过是压抑多时，酒后可以有一个情绪宣泄的渠道，他坦承「呢几年我受得太多」，同时谈及作为演员面对的苦况及辛酸，但他实在不想放弃，反而希望有缘见到的朋友，听听一个香港演员怎样去世界不同地方寻求机会。

相关阅读：曾拍三级片男星去年认爱选美佳丽发展父女恋 突移居广州现颓样狂呻寂寞疑甩拖

张建声残爆开live宣泄情绪？

张建声要为自己揾机会

张建声去年与比他年轻16年的工展小姐曾嘉晴的「父女恋」玩完后，在抖音宣布移居广州生活，张建声日前在IG直播中直言：「因为我要食饭，香港冇人揾我拍戏，香港暂时唔需要我，我唔食，我屋企都要食。咁唔紧要，我去马来西亚，我去日本，我揾机会啰，大家唔好怪我，因为个饼太细，叻过我嘅人太多，所以就系自己出去揾。」在贫民窟长大的张建声，一直是个「坏孩子」，读书不成又「媾好多女」，直至28岁那年才找到一样自己喜欢做的事，就是拍戏：「但系偏偏我钟意做嘅时候，佢没落吖嘛，咁佢没落嘅时候，我唔系要逞英雄，系大家都要开饭吖嘛。」

张建声称除了要演技外还要用生命来演戏

有人问张建声为何香港没有人找他拍戏？他说：「第一啦，香港已经唔系多戏拍，第二，角色啦，真㗎，我冇得去讲啲X嘢话我拣剧本或者唔X钟意拍，个事实就系，个饼得咁X大，人哋唔揾你咪唔揾你啰，好正常，人哋有得拣㗎嘛系咪？」他续说：「张建声本人搬咗去广州，因为香港电影业暂时唔需要我，我自己觉得，我觉得啫，香港电影业块饼得咁多，我仲冲埋去抢？我啲师兄、我啲师弟师姐师妹点X样？点X样？」他停一停顿，再次鼻子一酸问：「但系如果我仲郁到，我做咩唔自己跑呢？」谈到即使为电影搏尽，连健康都亮警号，但张建声试过他为角色减了四十磅，最终根本没有他除衫的戏份，张建声说：「呢啲冇得怨，呢啲真系冇得怨。」张建声指做演员除了要演技外，亦用生命来演戏，坚持尽量不用替身：「有阵时返X到去，只手损X晒，我老母问我咩事，原来拍戏咁X样嘅咩？我都唔X识答，呢个唔系卖惨，而系因为我正身去做好过替身，我唔系话唔畀stunt man同香港武术指导机会，但系永远就系想正身做，做到一个位我做唔X到，我见骨喇只手……」

相关阅读：40岁张建声晒咀嘴照认爱！与工展小姐发展父女恋 嫩口女友频晒丰满身材劲吸睛

张建声试过做傻事与及看3次精神科医生

张建声过往曾因太投入角色「招积」无法抽离，试过做傻事与及看3次精神科医生，幸好得黄秋生一言点醒，张建声曾说：「当时秋生哥同我讲话傻仔嚟嘅！驶乜要个角色出嚟啫。你将佢摆喺个心到，揾个校长管著佢。10年之后攞返出嚟，佢会陪著你成长㗎嘛。」 今次张建声在直播上，坦言因多次将身体推至极限，生理、心理上亦产生各种问题：「第一，我拍X到我身体有问题；第二，我拍X到呢度（脑部）有问题，我要食药；第三……」他更哽咽吐出一句：「我拍X到条女都冇X埋……」张建声更眼湿湿说：「我好X攰！我真系好X攰，有时瞓X醒都唔知我自己喺边，唔好讲话飞，喺内地，我而家基地喺广州，我有时都唔知我自己喺边X度，我阿妈问我，阿仔你喺边，我话阿妈你等阵先，我问吓我个friend，我而家喺边？哈哈哈，我就会谂呢啲嘢⋯⋯如果我拍拖，我咪对个女仔唔公平啰，同埋我想结婚。」

相关阅读：张建声曾醉酒得罪天皇巨星 要鞠躬道歉求原谅

张建声女友曾嘉晴性感照逐张睇：

张建声为揾钱饮到屙血连胃都快穿

张建声近年为电影任监制，不时外出找有可能合作的投资者，应酬少不免，但他透露自己饮到屙血、胃都快穿了，很多时候都只是白饮，不过有一丝机会都要试：「无论我去到边个地方，哪怕呢个人系potential嘅investor，我都要见，要饮几多，我饮几多啰，点解？有啲朋友可能唔知，点样去合作、communicate，get closer，一啲Event之后，要有啲相处、共同空间，（如果唔系），next time，who the fxxk are you？我唔X知你边个。」

张建声一度爆SEED称「点解有呢啲戆X仔」

张建声一度爆SEED地说：「要开一部戏好X难！真系好X难！你买层楼都保值过开一部戏！但点解有呢啲戆X仔仲喺度……X你老味，我都唔X知‧。X你老X，饮X到屙血呀好冇呀？我唔系好X伟大，我好X自私呀！我一定要开到部戏，为我自己而拍，或者畀个更加红嘅去拍，但系至少大家有工开。」网民称十分担心其身体状况，但张建声表示自己不敢去验身，「我唔敢做body check，我有个保险agent喺度，我真系唔敢做body check，真系唔X够胆，年纪大咗真系唔X够胆。」不过张建声再三强调，自己不需要也不想卖惨，因为「条路自己拣」，但他说出最心底的一句：「我有条大前提，你畀我演到老啦！之后我做乜嘢，你睇死我啦，你畀我演到老啦，你净系畀我演到老，我好X钟意演戏，X你老X！我用条命去演㗎！」