拆解李龍基赴懲教所裝扮！着逾40萬名牌現身名錶最值錢林作：掌握流量密碼

更新時間：20:20 2024-02-21
發佈時間：20:20 2024-02-21

73歲李龍基的未婚妻王青霞（Chris）因被控逾期居留等6項控罪，目前在大欖女懲教所還柙看管，李龍基今早（21日）由廣州返港，即到大欖懲教所探望未婚妻。被封為「抽水界KOL」的林作今日在IG出PO稱要畀個「服字」李龍基，又指對方是「經典教科書教材」，更拆解李龍基返港時的一身打扮是來先哪個品牌。

相關閱讀：李龍基揭未婚妻曾多次推搪出境！會面15分鐘好激動認證據確鑿難甩身

林作拆解李龍基探未婚妻打扮行頭？

林作稱另眼相看李龍基

林作在IG提到李龍基的一身打扮：「今日由你一喺火車站出閘，我就已經對你另眼相看：名牌LV Messenger bag仲要係新款，名牌波鞋，件粉紅色shirt擺明係名牌而且好合身，袖子捲起到剛剛好，胸口粒鈕也解開得恰到好處。副圓金屬框手工細緻估計係日本頂級用品。連個jip（篋）都係Rimowa。」雖然林作未有提到李龍基價值約30,000元的LV Christopher背囊、來自PRADA的運動鞋，以及手錶是Patek Philippe的Aquanaut款式，官方售價為352,500元，但李龍基一身裝束，總值起碼逾40萬元。

相關閱讀：李龍基強忍眼淚填表等見面嬲未婚妻沒有商量：原來好多事我不知道

李龍基未婚妻Chris「黑歷史」:

林作在IG的全文如下：

致敬重的李龍基大哥：

基哥，我先給你道個歉。當初時間開始發酵，我真係可能年紀比較輕，對你的事蹟不熟悉。

但係，我已經完全睇得出你係幾咁厲害，甚至認為，你年過69，依家先迎來人生的新高峰。

是的，社交媒體年代的流量密碼，很少人能夠掌握，而你，做到了！

我唔理咩江湖傳言話係你隊條女出黎（嚟）。即時（使）沒有，你都係好嘢到爆，掌握了整個香港網民、媒體的心。我作為呢方面前輩，都要俾個服字你，因為我去盡都係搵到裕美，你Chris姐就真係爆到癲。

今日由你一喺火車站出閘，我就已經對你另眼相看：
名牌LV Messenger bag仲要係新款，名牌波鞋，件粉紅色shirt擺明係名牌而且好合身，袖子捲起到剛剛好，胸口粒鈕也解開得恰到好處。副圓金屬框手工細緻估計係日本頂級用品。連個jip（篋）都係Rimowa。
我感受到嘅係成熟男人臨危不亂嗰種穩重感。

而你懂得利用媒體關注的程度，在進去前先痛哭幾十秒，再出黎（嚟）攞住記者啲咪仰天長嘯兼發誓，可以話係經典教科書教材，我都未有此爐火純青的功力，要繼續在未來遇到挫折時向你參考。

今日全城觸目，仲要搞到我睇到唔捨得走遲到去做Gym，真係嘆為觀止。

廢話少講，本人一直以來都希望可以扮演Nick Fury角色，齊集香港所有奇珍異寶，為他們出謀獻策，以流量換取收入，拓展商機，無論是擔任經理人還是 #林作顧問身份提供建議，我都願意。

直接說白了，可以的話，我真的很希望成立經理人公司簽你。
你太有前途。

基哥，Respect！等你覆

其他文章：

李龍基痛心未婚妻還柙看管透露王青霞被拘留後心情如釋重擔

李龍基未婚妻王青霞被控逾期居留等6宗罪申請保釋被拒還柙看管

李龍基未婚妻Chris羈留室狀況曝光！代表律師謝偉俊：還可以

李龍基痛哭還原未婚妻被捕情況！自認寵壞Chris：唔係因為我或者唔會逾期

李龍基未婚妻黑歷史一文睇清！傳在美國騙婚借錢不還名人畫作學歷真假成疑

李龍基未婚妻涉逾期居留被捕！近日是非纏身月初清空IG飛機師大頭照消失