李龍基痛心未婚妻還柙看管 透露王青霞被拘留後心情如釋重擔
發佈時間：12:23 2024-02-20
李龍基未婚妻王青霞（Chris）因被控逾期居留等6項控罪，今早（20日）於沙田裁判法院提堂，辯方替被告保釋，但遭裁判官拒絕，須還柙看管，案件押後至4月16日再訊。對於未婚妻被即時還押，身在廣州工作的李龍基，坦言：「佢自己做嘅嘢係要自己承受，佢自己喺拘留所都講過，佢咁樣畀人捉一捉，好似如釋重擔。」
相關文章：李龍基未婚妻王青霞被控逾期居留等6宗罪 申請保釋被拒還柙看管
對於未婚妻王青霞被即時還押，李龍基今早接受《星島頭條》電話訪問，他坦言目前交由律師處理，問到會否提早返港處理事件，他說：「而家都冇乜嘢可以做到，佢都還押，而且我都冇得提早返，晏晝就開始綵排錄影，因為約咗簽，收咗訂金，唔可能缺席，如果我行咗去，會搞亂晒人哋嘅電視製作，好大件事。（有冇同謝偉俊律師聯絡過？）仲未，我啱啱先喺新聞睇到個結果，啱啱先知，唉，真係好無助，不過，冇計喇，佢自己做嘅嘢係要自己承受，佢自己喺拘留所都講過，佢咁樣畀人捉一捉，好似如釋重擔。我都叫佢唔使擔心，乜嘢都好，錯咗就改過，我一定會等佢！」
李龍基未婚妻Chris被爆哪些「黑歷史」？
李龍基稱未婚妻一直背負這個包袱，他越說越傷心，一度哽咽而不能説下去：「但係好可惜，好可惜佢一路都唔講我聽，畀我知道，最低限度係大家可以商量一下，有商有量，可以搵個好啲嘅答案，好似搵個好啲嘅律師上去自首，都係好啲，好過人哋上嚟捉妳嘛？我一路都唔明白，佢點解可以傻得咁交關，我最激係就呢點！」李龍基平靜後再説：「我明白，呢幾晚我都喺度諗，其實間接中可能係我害咗佢，因為佢成日同我講，話我年紀大，唔知陪得佢幾耐，所以佢咪要爭取每分秒嚟陪住我，所以咪諗埋呢啲屎橋囉，佢真係蠢，我成日話『點解你咁蠢』、『點解你咁蠢』，搞到今時今日咁大鑊，我仲傷心仲難過。」
李龍基續說：「妳同我講，最多咪諗計，返大陸住，辛苦啲，日日夜夜咁走嚟走去，點都好過而家咁嘅結果，佢就咪諗埋呢啲屎橋，呢啲真係屎橋，點可能諗埋呢啲嘢出嚟。」近年李龍基有不少內地工作，未婚妻又有否同行？他説：「有呀，就係有呀，但係都冇事，我都唔明點解，所以我係完全唔會懷疑佢嘅身份，我都覺得好奇怪，而家入境處話佢行使假文書，但係冇理由，假文書係唔可以出入境，我唔明，所以等我返嚟會了清楚呢單嘢，會搵吓謝偉俊先。」
其他文章：
李龍基未婚妻Chris羈留室狀況曝光！代表律師謝偉俊：還可以
李龍基痛哭還原未婚妻被捕情況！自認寵壞Chris：唔係因為我或者唔會逾期
李龍基未婚妻黑歷史一文睇清！傳在美國騙婚借錢不還 名人畫作學歷真假成疑
李龍基未婚妻涉逾期居留被捕！近日是非纏身 月初清空IG飛機師大頭照消失
李龍基與未婚妻真實互動曝光！狂叫「老婆」Chris竟然越叫越走
--------------------------
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
