選美冠軍初晒籮咁大孕肚 闊太Look挽6位數Hermès 孖神秘老公遊日極富貴
發佈時間：20:30 2024-01-26
ViuTV選美節目《最後一屆口罩小姐選舉》雙料冠軍鄭伊琪（浩南），近年因主持清談節目《晚吹—戀講嘢》而知名度大升。現年30歲的「浩南」鄭伊琪2021年透露與拍拖4年的男友準備結婚，直到上周五（19日）無預警宣布升呢人妻一段時間，更晒出BB超聲波照報喜，今午（26日）其孕肚照終於首度曝光！
相關閱讀：口罩小姐「浩南」鄭伊琪驚爆已做人妻！自揭陀B已近20周 公開婚禮靚相
「浩南」鄭伊琪闊太Look幾奢華？
「浩南」鄭伊琪早前宣布「造人」成功，腹中胎兒將於龍年出世，暫時未有公布BB性別。今日她於社交網貼出多張旅拍，透露跟老公一起到日本東京玩：「孕期最緊要開心心，吃到想吃的東西，去了想去的地方～中醫就叫我行快少少，等啲血氣運行吓，西醫就話唔好食咁鹹唔好食咁甜，小B有肚腩，醫生都說這段期間都適宜出行，佢話：She is fit to travel at this point of time. 謝謝大家關心，我會注意身體的。」
「浩南」鄭伊琪一身名牌腳水腫
相中所見，現時懷孕20周的「浩南」鄭伊琪，穿白色貼身裙挺出「籮咁大」巨肚，雖然小腿開始出現水腫情況，但她依然面尖尖未有走樣。其間，「浩南」鄭伊琪於街頭拍下不少「老公視角」照，只見她披上白色毛毛大外套，頭上戴着價值700元英鎊（約7,000港元）的Chanel黑白耳罩，手挽搶眼的淺灰色Hermès Birkin手袋，仔細可看到部分皮革採用鱷魚皮，非常矜貴。根據網店資料顯示，Hermès Birkin 25冰晶灰銀釦手袋，目前售價為155,000元，若是Birkin 25珍珠灰鱷魚皮銀釦手袋更達320,000元！
點擊睇「浩南」鄭伊琪更多靚相：
另一張馬路街拍可見，「浩南」鄭伊琪孭着Chanel 23s藍色丹寧布料菱格紋肩背包，價值逾40,000元。不過，其神秘丈夫卻全程沒有露面，她邊自拍影片邊笑說：「我已經決定呢次旅程要係咁打卡，『輝B（指老公）』又唔肯上鏡嘞，等我影佢少少先，佢行得好快唔畀我影。」此趟，兩人去了吉祥寺又吃了許多當地美食，腹大便便的「浩南」鄭伊琪亦非常擦得。
其他文章：
戀講嘢丨謝安琪露膊晒性感鎖骨講戀愛史 爆張繼聰用七粒龍珠表白後有呢個反應
《區區有申訴》答問題送盆菜，現正進行利是公價問卷調查，編輯部會揀選最具創意的得奬者，送出價值$1698「新春佛跳牆盆菜」套餐或價值$198「五福臨門煲」︰ https://bit.ly/3Ucj7tg
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
