戀講嘢丨謝安琪露膊晒性感鎖骨講戀愛史爆張繼聰用七粒龍珠表白後有呢個反應

更新時間：13:31 2023-07-27
發佈時間：13:30 2023-07-27

謝安琪（Kay）早前為郭嘉駿（193）、譚凱倫、鄭伊琪和郭奕芯主持的ViuTV節目《晚吹 - 戀講嘢》擔任第100集嘉賓，在節目上，謝安琪露膊look大晒性感鎖骨，令人賞心悅目，談到當年與張繼聰的相識經過，謝安琪大爆老公七粒龍珠向她表白，謝安琪即時覺得很幼稚！

【相關閱讀】：張繼聰父女檔拍廣告被搶Fo 6歲Kakaball愈大愈靚獲封「小林明禎」

【點擊睇謝安琪張繼聰相】：

謝安琪出道時因箍牙look被外界批評覺得醜，搞到她自信心一直不多：「影相又核突，每次啲相好核突就會好多人討論，咁核突都做新人嘅，受好多壓力同埋公司都好多指示，覺得我太怕醜。做訪問對答又唔流利，覺得好沮喪，成日覺得唔適合做呢行，好似樣樣嘢都唔啱。」但張繼聰一直在身邊鼓勵及支持：「我當佢係閨密，仲以為佢係同性戀，我冇諗過佢追我，亦唔會諗過有人會無端端鍾意我，估唔到佢咁得意，嗰個位都feel到我靚？佢話佢有儲我YES Card，真係有，後來佢有送畀我。」

出街準備「追女三寶」

當時張繼聰除了在工作上對謝安琪照顧有加，私下更加無微不至：「嗰陣出去做嘢，佢都會嚟我樓下等，女仔有時遲到，無論等幾耐都等，仲擺住甫士等我。佢好好人，幫我慳到車錢，因為啱啱入行好窮，佢又成日請我食飯。」甚至還會準備「追女三寶」，包括外套、雨傘和紙巾。」兩人的曖昧關係持續了一段時間，193忍不住問甚麼時候才察覺張繼聰對有追求之意，謝安琪說：「有一日嘅黃昏，佢叫我去屋企樓下公園仔，話有份禮物送畀我，之後佢突然打開手上嗰份禮物，原來係七粒龍珠，仲話可以完成我一個願望。」

謝安琪當刻反應覺得很幼稚：「我都諗唔到咩願望，佢就問我知唔知佢有咩願望，跟住佢話『我想你做我女朋友』，我呆咗冇接受佢㗎！我話會認真考慮，跟住佢話『咁死梗」！」經過深思熟慮，謝安琪覺得他為人確實不錯，又孝順兼喜歡小朋友和動物：「唔知點解同佢一齊咗，我覺得佢靚仔咗！」