張繼聰操到厚切麒麟臂 遭網民嘲笑「牙籤腿」唔成比例發文反擊不滿
更新時間：20:17 2023-06-20
發佈時間：20:17 2023-06-20
發佈時間：20:17 2023-06-20
字體大小
現年43歲的張繼聰（阿聰）身形健碩，近日他為即將開拍新戲而積極操弗，日前他在社交網分享一張在健身室的黑白自拍照，大晒手瓜起腱，盡騷至強麒麟臂，並得戚表示：「為咗即將拍攝的電影，努力準備，今日試完造型，全部都係西裝，Ok嘅…..呢種身形着西裝，先至叫性感，啱唔啱先？師父叫我post張黑白嘅，低調d」。
張繼聰手瓜操到頭咁大。
其後，他在IG限時動態自爆被嘲「牙籤腳」，手腳不成比例，對此，張繼聰則反擊寫道：「I love my legs！次次都有人叫我要操腳，好似有陣嘲笑嘅味道，留意番(返)，我唔係健美運動員，係演員！ 父親節當天，張繼聰照樣勤力去健身室操肌，他貼出囡囡張靖（Karina）成個人企在他手臂上的照片，笑謂：「咁多位老豆，父親節快樂，為人子女好好報答親恩，做老豆嘅頂住，繼續have Fun」。
張繼聰反擊網民嘲笑他「牙籤腿」負評。
6歲張靖（Karina）企在阿聰手臂上。
化身粉絲甜蜜「萬歲」
另外，近日謝安琪(Kay)忙於為ViuTV劇集《法與情》日以繼夜趕戲，「愛妻號」張繼聰今天在社交網貼出為老婆大搞應援的照片，相中見他「萬歲」珍珠奶茶，旁邊貼上一張超大隻的張繼聰照片 ，寫著：「最後大直路辛苦大家！《法與情》繼續拍攝順利！默默應援郭大狀（Kay飾演）的FAN上」窩心又搞笑。
張繼聰留言寫道：「人生咩都有第一次，男人老狗做應援，怕你怕未？兄弟們，學嘢啦，多謝兩位同事嘅幫忙，依鋪威威 ！」他更笑問謝安琪收唔收貨？其後，更得戚回覆ERROR 193的留言：「係咪薑越老越辣？學嘢啦細佬」有網民謂：「有料 !第一次見做應援放自己個樣，仲要咁鬼大隻，你玩哂啦」。
立刻點擊投票👉🏻https://tinyurl.com/38dfzwtv
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
