港聞

娛樂

最Hit

即時

中國

國際

星島申訴王

財經

地產

生活

健康

教育

體育

大灣區

專欄

馬經

PLUS

頭條獨家丨梁祖堯望音樂劇畀力量港人珍惜回憶唔好傷春悲秋

即時娛樂

更新時間：23:46 2021-09-16 HKT
發佈時間：22:49 2021-09-16 HKT

(左起)邵美君、湯駿業及梁祖堯演出的音樂劇《回憶的香港》將於10月6日至10日再度上演。

風車草劇團梁祖堯、彭秀慧、湯駿業(Dee)、邵美君將於10月再度上演音樂劇場《回憶的香港》，帶領觀眾回到過去，藉著回憶展望將來。祖祖話近兩年香港經歷咗唔少變化，同以前唔同晒，內容要重新砌過；Dee坦言創作新版希望從學習面對逆境中，可以畀到力量大家撐住。採訪：方騫平攝影：葉君海髮型：Jo Lam & Jaden R @ Salon Trinity 化粧：Deep Choi @ deepmakeup, Jazzy & Iris Luk 造型：Yee Li@Soulmeen 服裝：Rickyy Wong Studio（湯駿業、邵美君），JW Anderson @ Farfetch（湯駿業）場地：JAS Party&Studio

《回憶的香港》帶領觀眾回到過去。

兩年前四人單純嘅舞台演出，今時今日睇返感覺唔同晒。

新版本《回憶的香港》會將香港經歷過嘅疫情放埋落去。湯駿業用「五味雜陳」來形容咁多年嚟香港人嘅經歷，唔止苦辣，仲有溫暖嘅甜喺身邊：「喺蒐集資料中，香港曾經歷過高高低低時代，由67暴動到疫情，有好多大是大非，包含住香港人撐得住過去，我哋想放大呢啲甜嚟撐住未來嘅日子。」

今次唱歌部份比上次多，笑言大家都想喺九展大展歌喉。

祖祖剛同Serrini及Manson等完成音樂劇《攣攣成人禮》，真係好鬼忙。

要創造更好嘅嘢
阿Dee再補充，「希望我哋創造啲好正嘅回憶，大家唔好傷春悲秋，而係創造更好嘅嘢，等將來可以睇返。」祖祖就有感而發話：「回憶係詭異嘅，冇得揀記得乜唔記得乜，好多好想記得嘅嘢偏偏會唔記得，所以今時今日香港，要對回憶更加珍惜同回味，呢刻重演對我哋意義好大。」阿君話今次會加入他們成長的小故事，由小時候成長的背景開始，當中包括演繹陪住他們成長的許冠傑、梅艷芳、張國榮等嘅經典金曲及廣告歌，等觀眾得到共鳴。