【頭條獨家】人生目標做動作片男一 容天佑靠《Fight盡》撻返副偈
更新時間：01:11 2021-07-22 HKT
發佈時間：22:15 2021-07-21 HKT
發佈時間：22:15 2021-07-21 HKT
字體大小
精通跆拳道、截拳道又學過泰拳的容天佑，雖然未如其他參賽者般受傷，但要3星期內進行特訓再上擂台，同時宣傳《逆天奇案》兼趕拍新劇《雙生陌生人》，久未練功的他都覺得好辛苦，起初仲練到嘔，「日夜顛倒令身體差好多，但最辛苦係精神上嘅折磨，嗰陣好多晚都瞓唔着。」除了擔心受傷、體力不足，身為李小龍截拳道第五代傳人、拳擊與泰拳分別師承陳惠敏和徐家傑，天佑直言：「話晒係《功夫新星》，輸咗點算呢？愈大愈輸唔起，好大壓力。」但經歷這場比賽後，亦令他重拾「打仔夢」那團火！
視錢嘉樂為偶像
回顧入行十年甚少拍打戲，26歲的天佑坦言：「唯一動作都係《迷網》跳海，拳來腳往真係好少。（冇乜發揮？）係少嘅，但可能公司覺得我文戲吸引啲先畀我拍多啲呢？」樂天的他雖說知足常樂，覺得現狀也不算太差，但問到可恨做打星？他毫不猶豫地說：「想，始終自己係功夫底，做戲未必比人叻，但動作會好人啲啲，如果向打發展會舒服啲。（目標？）希望人哋知我識打，做好啲戲令人記得我，錢嘉樂係一個幾好嘅偶像，佢為藝術付出咗好多。」並謂恨當男一，「搵一次畀我大打一場就開心嘞。」
