港聞

娛樂

最Hit

即時

中國

國際

星島申訴王

財經

地產

生活

健康

教育

體育

大灣區

專欄

馬經

PLUS

【頭條獨家】因為去年確診突然多人識施匡翹唔怕人氣跌健康最重要

即時娛樂

更新時間：00:48 2021-07-14 HKT
發佈時間：00:25 2021-07-14 HKT

施匡翹新歌《康復期》寫得相當到肉，她唱得份外投入。

出道年多的施匡翹(Zaina)最近派出第四首新歌《康復期》，靈感來自去年因確診新冠肺炎而被隔離及康復嘅經歷，新歌係講被男方冷落，最後女主角懂得放手之後更加愛錫自己。經過去年不幸中招，施匡翹諗得好通透：「好多嘢，要企返起身係要靠自己去面對嘅。」採訪：方騫平攝影：梁志明化妝髮型：WingKee Makeup 形象：Janae陳灝而場地：Boss One

新歌MV找來韓籍模特兒出任冷落她的男主角。

去年施匡翹確診新冠肺炎，康復後更加注重做加強心肺運動，包括游水。

施匡翹大讚林若寧填詞填得好到位，令她唱得特別投入，只係花咗3日就順利錄完：「呢首歌連唱法都唔同咗，把聲變得比較硬朗，唔似得平時講嘢咁柔弱，連舒老闆 (舒文)都讚我進步咗好多呀！原來自己有另外一面，喺錄音過程入面我愈嚟愈了解自己嘅身體！」

在患病過程中受到網民評擊，心靈上也需要康復。

施匡翹人靚聲甜，更擁有一雙45吋嘅長腿。

羨慕偶像發哥生活
提及去年染病後嘅康復期，施匡翹發現自己抗壓能力好強，好堅強同埋好正面：「我有留意網上評論同埋報道，我唔會逃避，有建議性嘅會接納。其實做好自己就OK，咁就可以開心咁過住每一日。」問到可會擔心康復後，知名度回落？Zaina大笑說唔怕：「係睇返自己心態，在我嚟講患病後最重要有返健康，而唔係要知名度，我鍾意唱歌，有得做自己鍾意嘅工作經已好開心，而且考到瑜伽導師牌後，我會收學生，又會練返琴，生活過得好充實。」Zaina最想效法偶像周潤發過開心簡單生活：「發哥平時愛行吓山、搭吓港鐵、食返碗麵，佢有佢嘅生活態度，就算貴為神級影帝都好Nice咁同人selfie，為人好親切。」