為仔女安排暑期活動好頭痛鄭中基年尾台灣Show仍商討中

即時娛樂

更新時間：22:19 2021-06-17 HKT
發佈時間：19:15 2021-06-17 HKT

鄭中基為《第五屆香港兒童國際電影節》擔任電影節大使。

鄭中基(Ronald)為《第五屆香港兒童國際電影節》擔任電影節大使，他說自己鍾意睇卡通片及漫畫，對拍戲有幫助，由於他正拍攝賀歲片《闔家辣》，所以要太太帶仔女去睇戲。Ronald笑言暑假安排活動給小朋友好難，近年已安排好多。「大女7月生日想玩過山車，要捉我陪玩，好彩我仲夠膽玩，遲幾年要細佬陪佢玩。」提到可以揾男朋友陪她玩?他笑稱冇咁快，「如果有男朋友等我同佢玩吓先。」女兒對他說沒有男朋友，兒子則說有6個女朋友，意指可能得6個朋友。

Ronald稱賀歲片約6月尾煞科，至於年底在台灣小巨蛋開演唱會的計畫，仍一直保持聯絡，「8月底前嘅演唱會全部取消，之後嘅演出要等通知，希望先搞好疫情，演唱會原本舊年舉行，工作被打亂都冇辦法。」問他有沒有製作電影的計劃?他透露有多個劇本研究中，希望自己公司喺2023年有第一部賀歲片。對於政府修訂《電影檢查條例》，他稱冇影響。