港聞

娛樂

最Hit

即時

中國

國際

星島申訴王

財經

地產

生活

健康

教育

體育

大灣區

專欄

馬經

PLUS

【頭條獨家】最後實體個唱終極性感登場莫文蔚唔離地讚好MIRROR有前途

即時娛樂

更新時間：12:21 2021-06-10 HKT
發佈時間：21:26 2021-06-09 HKT

臨尾酬賓莫文蔚於本月11至13日在港舉行最後一次大型實體演唱會，屆時會終極性感登場。

之前MIRROR的六場嘅演唱會一票難求，原來莫文蔚（Karen）都係MIRROR Fans：「係人都鍾意靚仔㗎啦！」而本月11日將再登紅館舉行人生最後一次個唱的Karen將展現舞台上最靚一面。她超興奮爆響口：「到時狂野嘅『莫貓寶貝』會隆重登場，我做嘅嘢離不開性感㗎啦！」睇嚟莫文蔚最後個唱有啲料到喎！採訪：方騫平攝影：譚壹致髮型：Kenki @W Workshop 化妝：Ling Chan @Ling Chan Makeup 形象：@yoyokwans @fameglory

野性貓女貓女係莫文蔚最愛嘅造型，除咗好睇外，覺得好多人都可以代入貓嘅世界中。(相片「莫貓寶貝」提供)

全力支持莫文蔚大讚人氣組合MIRROR年輕又靚仔，一定會有一番作為。

莫文蔚相隔16年再踏紅館舞台，今次演出意義重大，除咗係《絕色》巡演尾站，仲係人生最後一次大型實體個唱。問到Karen可會依依不捨？她語帶堅定說：「既然決定咗就唔會後悔，早喺2018年開始巡演時，已度好呢個係我最後一次大型tour，所以改名《絕色》，係終極一次，可能近十年唔係出碟就走埠，係時候要搵新意。老公Johannes聽到我呢個決定都話好！因為佢最享受二人世界。但每次我走tour時，我哋要攝時間搵機會見面，始終結咗婚，唔可以成日將工作排喺第一位，咁樣對佢唔公平，喺時間要調整一吓兩公婆嘅節奏。」

「莫貓寶貝」拯救世界

Karen強調她不是以後不唱歌，只是人生去了另一階段：「我依然會繼續做我最熱愛嘅唱歌同表演，只係開拓一啲新項目，如遲早會做嘅音樂劇，另外因為我鍾意貓，最愛貓女造型，去年經已創作咗虛擬人物『莫貓寶貝』，由佢嚟發聲，表達我想表達嘅環保、愛護動物等訊息。去年『莫貓寶貝』推出第一集漫畫，好似超級英雄片咁有埋主題曲，做埋原聲大碟，甚至設計埋『莫貓寶貝』身邊嘅朋友、助手等，由佢哋去拯救世界，完全可以天馬行空，真係好好玩，或者到時同黎明嘅『明福俠』crossover，唔排除將來做埋音樂劇，諗起都覺得正呀！呢個貓女都會喺今次演唱會性感登場。」

性感登場巡演中會有唔同性感程度嘅「莫貓寶貝」現身，終極香港站，性感程度一定會更勁。

讚師妹黃妍多才多藝
入行25年嘅Karen主張順其自然，就算《呼吸有害》於年頭橫掃四大頒獎禮亦絕不濫做，她認為最重要裝備好自己，咁就可以隨時應戰，她亦給予樂壇新人貼士：「最緊要真心熱愛音樂、表演同創作，其他唔使理咁多，要知道拍拖還拍拖，音樂還音樂，付出亦較其他行業多，如果唔係一條心去做捱唔到落去。」緊貼樂壇嘅莫文蔚大讚師妹黃妍多才多藝，有文藝氣息；Serrini(梁嘉茵)聲線夠特別係可造之材；MIRROR呢堆後生仔會有一番作為：「佢哋有吸引力，尤其呢個年紀，(係咪鍾意佢哋靚仔？) 係人都鍾意靚仔㗎啦。」MIRROR嘅魔力，竟然搞到剛51歲生日嘅Karen回春發出如少女般嘅笑聲！