【Super Mom】一邊餵母乳一邊餵奶樽岑麗香宣布細仔出世

即時娛樂

更新時間：19:52 2021-05-13 HKT
發佈時間：14:40 2021-05-13 HKT

岑麗香已誕下二胎。

岑麗香（香香）與老公強強於前年誕下仔仔Jacob，今年宣布再佗B仔。香香今日在社交網貼上細仔的相片，原來B仔已出世，向大分享喜悅。細仔JuJu頭仔圓圓，擁有烏黑頭髮，肌膚嫩白，十分可愛。
香香一邊抱著細仔餵母乳，另一邊拿着奶樽餵Jacob飲奶，忙着照顧兩個囝囝，香香面上流露幸福的笑容，盡顯母愛，畫面溫馨。榮升哥哥的Jacob與弟弟瞓在BB牀上，笑得開心。香香留言：「Double trouble, double love. 小腰果多多指教。my name is Baby JuJu」。
一眾靚媽陳凱琳、陳自瑤、孫慧雪、雨僑，還有龔嘉欣、鄭欣宜、趙希洛等留言恭喜，林芊妤留言：「這是媽媽感到最溫馨的畫面。」網民亦讚香香是super mom。
更新4:06

岑麗香說：「Hello！大家好，首先我想多謝大家，收到好多祝福，多謝晒你哋嘅祝福，我哋全部收到晒！介紹返小BB你哋識啦，佢個名叫做Julius ，亦叫BabyJuJu容易啲講。佢出世3.02Kg，都OK啦！依家媽媽同BB已經返咗屋企休息，同埋好平安，多謝大家關心。哥哥（Jacob ）好開心，因為一早準備禮物代細佬送畀哥哥。哥哥一直好想要顏色筆，我哋買咗話係細佬送畀佢，所以佢都好滿意呢個細佬。好想多謝大家，好多謝你哋嘅祝福，我希望所有嘢都順利，到時再見。」