港聞

娛樂

最Hit

即時

中國

國際

星島申訴王

財經

地產

生活

健康

教育

體育

大灣區

專欄

馬經

PLUS

【頭條獨家】懶理「禁足令」挺巨肚買BB嘢　沈卓盈忟憎收Call被老公急車走

即時娛樂

更新時間：15:26 2021-03-24 HKT
發佈時間：21:00 2021-03-23 HKT

一向貪靚的Jess終於捨棄高踭鞋，改穿平底鞋出街，而孕肚愈來愈大的她也刻意穿鬆身裙遮肚。

現年38歲的沈卓盈（Jess）前年下嫁從事內衣生意的富商杜灝標（Calvin），並於今年元旦宣佈「造人」成功！不過，早前她被爆瞞孕拍香港開電視節目《五星級絲打II》，開工期間經常着高踭鞋跑上跑落外，更試過被地毯Kick到雙膝撞落地，嚇到Calvin喝令她：「邊度都唔好去！」惜坐唔定的Jess繼續佗住「巨肚」周圍走，日前仲落銅鑼灣買BB嘢，但好快就俾老公急召返屋企，在等待對方揸車嚟接走時，未行夠的她似乎有點唔耐煩，一度露出忟憎樣𠻹！採訪：梁志明

買得細細袋BB嘢的Jess，站在商場玻璃大門前發呆。

等車等到唔耐煩的Jess仲皺晒眉，一臉忟憎。

雖然老公下了「禁足令」，但好動的沈卓盈一於少理，早前先後約見好姊妹倪晨曦、胡杏兒、譚凱琪和徐菁遙（前名徐淑敏）等，向一眾「星級媽咪」請教育兒心得。目前懷孕約8個月的 Jess，又不時於社交網分享豐盛早餐照，更自爆大肚後一日食足7餐，兼狂掃麵包、Pizza等澱粉質落肚，搞到以往着開XS Size的她要改穿大碼，連外套粒衫鈕都係僅僅扣到！

老公下令唔准出街，唔聽話的Jess去了銅鑼灣買BB嘢，隨即收到Calvin電話急Call返屋企。

老公坐駕泊在對面馬路，大肚Jess一邊講電話一邊過馬路，有啲危險喎！

等到唔耐煩
向住XL進發的Jess預產期為年中，日前《頭條日報》記者發現她去了利園二期的mothercare買BB嘢，無奈只掃走一小袋戰利品，Jess很快便收到老公的「追魂Call」催返屋企。當日逛到傍晚5時許，身穿白色公主袖長裙、改着平底鞋的她拎住手機匆匆落樓，見老公仲未到，即企喺玻璃大門內致電對方；收線後，未滿足Shopping慾的Jess似乎心情麻麻，一邊用手按住籮咁大的「巨肚」，一邊眼定定凝視街外發呆。等了大約10分鐘，開始唔耐煩的Jess仲一度皺晒眉，勁忟憎，好在Calvin及時駕車駛到附近，Jess隨即行去對面馬路上車走人。