港聞

娛樂

最Hit

即時

中國

國際

星島申訴王

財經

地產

生活

健康

教育

體育

大灣區

專欄

馬經

PLUS

【頭條獨家】【《造星III》決賽花絮】「玩4P」片流出首見傳媒 Manson感激Alina帶上決賽舞台

即時娛樂

更新時間：08:54 2020-12-28 HKT
發佈時間：00:26 2020-12-28 HKT

Manson同Zeno幾星期冇見，總決賽夜終於聚頭。

《全民造星III》10強止步的Manson（張進翹）和顧定軒（Zeno），昨日齊齊出席《全民造星III》總決賽。二人幾個星期冇見，只是中途一齊隔空開Live見粉絲。Manson為Alina（李靜蓮）其中一項表演出任嘉賓，他大爆20強比賽甫結束，就收到Alina邀請跟他分享舞台，早已知道Manson與Alina合作的Zeno，都表示唔敢打擾，默默為Manson打氣。採訪：杜淑霞、廖思慧

Alina和Manson都覺得今次一齊創作過程好開心。

Manson為Alina其中一個表演《這麼遠那麼近》作嘉賓。

Zeno為好友打圓場

Manson跟Alina一齊受訪時，更多謝對方帶他上總決賽舞台，Alina即搞笑話：「講呢啲！嗰陣時我哋完咗（20強），我已經話決賽一定搵你。我其實好鍾意Manson嘅音樂，好有佢嘅style，我啲現代舞同佢夾到可以做一個新嘅作品出嚟，同埋一個咁大舞台，我都想大家一齊去share，既然我需要音樂，佢需要人幫佢夾一啲作品，我哋就直接將一個作品放上舞台度。」他們又指花了很多時間構思，最後只得三、四日排練，Manson說：「我哋有過好多idea，但係改改改，好多謝二汶同埋祖祖同埋Alina，修改先有依家呢個作品。」

自從十年前自拍「玩4P」片流出後，Manson這天首度面對傳媒，問到心情有否受影響？首度開腔回應事件的他表示：「一定有少少，特別係要面對大家嘅時候，不過而家OK㗎嘞！」與Manson老友鬼鬼的Zeno亦為好友打圓場，「我都有好多黑歷史㗎，要搵可能仲多呀！」

Zeno心水冠軍始終是至愛的Mischa。

Manson和Zeno都認為冠亞季軍都是實至名歸。

談到阿Ben（趙祥誠）奪冠，Manson指對方是他的冠軍心水，「好欣賞Ben，佢用真誠又直接嘅態度去行《造星III》呢條路。」Zeno就認為Ben有好多不同突破，「因為佢收到好多comment話『折骨舞可以玩到幾時』，今日證明咗Ben仲有其他才能，係實至名歸。」即使Zeno力讚Ben，不過冠軍心水依然是至愛的Mischa（葉巧琳），他又表示最鍾意Alina的表演，欣賞她由冇信心唱歌，到勇於挑戰的精神；被截糊的Manson先是沒好氣表示：「Alina都畀你講晒嘞！」他認為Cloud（雲浩影）自彈自唱，以及亞軍陳葦璇表演慢歌都好吸引。