ViuTV《Chill Club 推介榜》繼續大方 王君馨新歌《Casada》奪季軍

更新時間:20:49 2020-09-22 HKT
發佈時間:10:00 2020-09-22 HKT
君馨為咗拍新歌《Casada》MV,真係搏到盡。
君馨為咗拍新歌《Casada》MV,真係搏到盡。
ViuTV嘅《Chill Club推介榜》每周為觀眾推介10首熱播本地新歌,繼上次《頭條日報》率先爆佢哋好大方畀咗由莫文蔚主唱嘅TVB劇集《飛虎之雷霆極戰》主題曲《呼吸有害》入榜,最終仲攞埋冠軍後,最近ViuTV再有大方舉動,就係第38周《Chill Club推介榜》,畀咗TVB親生女王君馨以歌手G.Racie身份自資推出嘅新歌《Casada》登上季軍位置。上次莫文蔚歌曲奪冠,話晒佢唔係TVB人,只係幫TVB劇集唱主題曲,但係今次王馨君係TVB包薪藝人,ViuTV連友台嘅親生女照樣畀佢上榜,仲攞埋季軍,唔知嚟緊會唔會大方到畀佢攞埋冠軍呢!?
第38周《Chill Club 推介榜》冠軍由ViuTV親生仔駱振偉嘅《成熟‧不了》奪得。
第38周《Chill Club 推介榜》冠軍由ViuTV親生仔駱振偉嘅《成熟‧不了》奪得。
君馨喺《Casada》MV仲大晒舞技。
君馨喺《Casada》MV仲大晒舞技。

君馨剛剛忙完新劇《超能使者》拍攝。
君馨剛剛忙完新劇《超能使者》拍攝。