東張西望丨妙齡女乘客搭的士不滿司機態度 發文公審反遭起底 身材成焦點：當咗我係性工作者
發佈時間：22:40 2025-07-25 HKT
TVB節目《東張西望》今晚（25日）報道一名年輕女乘客與的士司機在網上公審事件，女事主網約的士，期間與司機發生爭執，隨後女事主在網上發帖公開遭遇，卻遭司機公開還擊公開私隱，包括姓名、學校資料，甚少人身攻擊女主事的身材，導致女事主被人誤會是「性工作者」，在網上受到滋擾。
的士司機違泊停對面馬路
事件中的23歲女事主「曾小姐」聯絡《東張西望》，講述事發經過，為自己討回公道。曾小姐表示當日在尖沙咀美麗華酒店買蛋糕後，由朋友代為網約的士返屋企，成功預約後的士卻停在酒店對面商場門外位置等候，曾小姐指：「佢停咗喺嗰邊違例停車，泊咗喺雙黃線。我哋當時已即時Send咗訊息俾佢，叫佢過返酒店門口接我，佢睇訊息之後冇理到，淨係叫我去返對面。」
相關閱讀：東張西望丨66歲老婦YoYo為慾火眾叛親離 債主日日上門拖字訣叫報警 色心又起網上再交友：人係有唔開心
的士司機曝光車Cam畫面
曾小姐指當時一上車，就遭的士司機指責麻煩，又等得耐。網上曝光的士車廂車Cam畫面，見到司機講：「叫你行過對面你都唔肯行，（我唔知你喺對面，都見唔到你架車）我咪同咗你講喺對面囉。」抵達目的地後，司機又指未收到車資，之後又叫女事主下次不要網約的士，見到曾小姐試圖拍攝司機證，的士司機即時抽起證件並說：「我哋上網見啦！」
曾小姐想影司機證被拒
曾小姐之後在threads將事件公開，遭司機反擊，指到達預約位置已等候5分鐘，又聯絡不到女事主，要冒住雙黃線抄牌的風險。曾小姐表示自己有聯絡司機：「話我玻璃心，又話我影佢司機證，佢話唔小心整跌咗。佢後尾放咗片段都睇得出佢係抽走個司機證。」
曾小姐遭網民騷擾
曾小姐不滿司機作人身攻擊：「佢攻擊我身材，佢喺啲帖文下面留言，就話『你著白色T恤係咪裝假狗呀』、『有冇老細啱呀』」，因為司機的言論導致曾小姐被人誤會是「性工作者」。曾小姐收到網民私下聯絡：「問我『可唔可以約你呀』，當咗我係性工作者問相關嘅嘢。」
曾小姐被問「係咪出嚟做」
曾小姐為證明衣著打扮未有過份裸露，受訪時以當日同一衣著出現，緊身白Tee襯短褲晒腿，並戴上口罩。曾小姐直言：「我唔係好明普通衣著點解可以人身攻擊，我覺得成件事好唔合理，普通衣著都可以講到咁，咁人哋平時出街嗰啲，你咪要性騷擾更加嚴重。」曾小姐因為今次事件受到困擾，亦難以入眠，收到不少人問：「你係咪出嚟做㗎！」
的士司機認態度差
《東張西望》聯絡的士司機卻出現另一說法，司機表示因為女事主原定上車的位置當日是星期六會塞車，又多燈位，因此停在對面，並用預約App的電話功能聯絡乘客，但女事主第一次沒有接聽，第二次Cut線，接著才收到女事主以短訊聯絡。的士司機「吳先生」承認當時態度不好，但指自己事出有因，以為預約者與曾小姐是同一人。
曾小姐與司機對質
的士司機「吳先生」對被指控起底作出否認，稱公開女事主的照片，所有來源都是出自對方的社交平台，至於人身攻擊「你著緊身白色T恤裝假狗裝得太假」等字句，的士司機就認為見言論見人見智：「一個人擺相上網，有讚有彈好正常。」曾小姐與的士司機電話對質，吳先生對自己當時的態度表示：「你唔需要明，我已經承認咗，第一個Post已講咗，我自己一開始上車態度唔好，你亦都唔需要問我點解，因為有時情況上嚟就係咁樣。」
的士司機反控誣衊
吳先生指曾小姐在網上稱被鬧足5分鐘，以及遭到禁錮，並非事實，是曾小姐作出誣衊，吳先生說：「我冇講粗口喎！你眼神睥我先咖嘛！」曾小姐再問司機在社交平台作人身攻勢：「你喺啲Post同人講『幫你搵金主，幫你搵爸爸』，其實你嘅說話已經令人誤會。」的士司機「吳先生」為自己辯護：「你誤解咋喎！」更認為曾小姐指控被辱罵及禁錮對的士行業同樣受到影響：「如果你覺得人身攻擊，嗰啲位留言係過咗火，我依家同你講聲對唔住，好冇吖！同埋你所講帖文令到你唔鍾意嗰啲，我已經刪除咗，我亦都唔會再喺平台留言，你可以放心。」曾小姐直言不會接受的士司機的道歉，並交由警方處理。
